Rapiditá relativistic

Rapiditá relativistic refere al rapiditá con quel efectes relativistic deveni significativ por li precision desirat de mesuration del fenomen essent observat. Efectes relativistic es li discrepanties ínter valores calculat per modelles considerant e ne considerant relativitá. Paroles afin es velocitá, rapiditá e celeritá, quel es velocitá propri. Rapiditá es un scalar, essent li grandore del vector de velocitá quel in relativitá es li quar-velocitá e in spacie Euclidan tri-dimensional un tri-velocitá. Rapiditá es empiricmen mesurat quam rapiditá medial, benque expedientes actual in usu comun posse evaluar rapiditá súper tre micri intervalles e aproximar proximmen rapiditá instantan. Discrepanties nonrelativistic include erras de cosínus queles eveni in expedientes de detection de rapiditá quande solmen un componente scalar del tri-velocitá es mesurat e li efecte Doppler quel posse afectar observationes de unde-longore e frequentie.

Factor Lorentz, γ, quam un function de rapiditá, v. Su valore inicial es 1 quande li rapiditá es zero e augmenta sin límite quam li rapiditá aproxima se al rapiditá de lúmine, c.

Inversion del factor Lorentz quam un function de rapiditá, v, quam un proportion del rapiditá de lúmine, c - un arc circulari.

Efectes relativistic es altmen non-lineari e por scopes quotidian es ínsignificant pro que li modelle Newtonan proximmen aproxima li modelle de relativitá. In relativitá special li factor Lorentz es un mesura del dilatation de témpor, contration de longore e li augmentation relativistic del masse de un objecte movent.