Rembrandt van Rijn

De Wikipedia
Self-portrete de Rembrandt ex li annu 1659

Rembrandt Harmenszoon van Rijn, conosset sub su prenómine Rembrandt, esset un famosi pictor de Nederland in li 17-im secul. Il nascet li 15-im de julí 1606 in Leiden e morit li 4-im de octobre 1669 in Amsterdam.

Rembrandt es un del max important artistes in li cultural epoca del baroque. Su ovre esset in li aurin era del Nederland in quel li land esset sur li cúlmine de su economic e political potentie.

Rembrandt studiat che Pieter Lastman e apertet in annu 1625 su unesim propri ateliere in Leiden. In li annu 1631 il translocat a Amsterdam u il devenit a un celebrat artist. Malgé to Rembrandt havet mult financial problemas e in li annu 1656 il esset bancrott. In li momente de su morte li grand artist vivet in povritá.

Familie e maritage[modificar | redacter fonte]

Li 2-im de julí 1634 Rembrandet maritat Saskia van Uylenburgh. Ella morit li 14-im de junio 1642. Li cuple havet du filios e du filias, ma li unesim filio Rombertus morit pos quelc mensu e anc li du filias qui ambi havet li nómine Cornelia secun li matre de Saskia van Uylenburgh morit tost. Su duesim filio Titus de Rijn esset baptisat li 22-im de septembre.

Hendrickje Stoffels devenit li nov partenera de Rembrandt.

Ovre[modificar | redacter fonte]

Rembrandt creat circa 350 picturas, 300 raduras e 1000 dessines. Li temas de su picturas es sovente historic evenimantes, scenes es li bible, mitic temas e portretes. Il anc pictet mult self-portretes.