Reyatu de Serbia

Li Reyatu de Serbia (serbian: Краљевина Србија / Kraljevina Srbija), o li Serbian Reyatu (Serbian: Српско краљевство / Srpsko kraljevstvo), esset un reyatu serbian medieval in Europa del Sud quel comprendet la max parte de quo es hodie Serbia (excludente Vojvodina), Kosovo, e Montenegro, quam anc li part sudoriental de Bosnia e Herzegovina, partes del costa croatian sud del fluvie Neretva (excludente Dubrovnik), Albania al nord del fluvie Drin, Nord-Macedonia, e un micri parte de Bulgaria occidental. Li Reyatu de Serbia medieval existet desde 1217 til 1346 e esset guvernat del dinastie Nemanjić. Li Grand Principatu de Serbia esset elevat con li reyal coronation de Stefan Nemanjić quam rey, pos li reunification del terres serbian. In 1219, li Eclesie Ortodox Serbian esset reorganisat quam un autocefalic archiepiscopatu, sub li direction de San Sava. Li reyatu esset proclamat un imperie in 1346, ma li regalitá ne esset abolit quam institution, proque li titul de rey esset usat quam un oficial designation por un co-regent del imperator.