Robert Fico

De Wikipedia
Robert Fico

Robert Fico es un politico de Slovakia. Il nascet li 15-im de septembre 1964 in Topoľčany (Slovakia) e es desde li 25-im de octobre 2023 denov prim-ministre de Slovakia. Roberrt Fico ja esset li prim-ministre de Slovacia inter 2006 e 2010 e anc inter 2012 e 2018.

Il studiat jurisprudentie in Bratislava e laborat in li Academie del Scienties de Slovakia in li institute del state e jurisprudentie.

Polical Cariera[modificar | redacter fonte]

  • 1987 Fico devenit un membre in li Comunistic Partise de Tchecoslovacia.
  • 1992 Fico devenit membre del Democratic Partise del Levul SDL, quel es li successori partise del Comunistic Partise.
  • 1994–2000 Fico representat Slovacia in li Consilie Legal del Europan Tribunale por Jures del Homes.
  • 1999 Fico fundat li socialdemocratic partise SMER - Li Direction e devenit li presidente del partise.
  • 2006–2010 Fico esset prim-ministre in un coalition inter SMER, li national-conservativ partise Movement por un Democratic Slovakia/HZDS e li nationalistic Slovak National Partise/SNS.
  • 2010–2012 Fico perdit li guvernament pos li electiones 2010 e devenit vice-presidente del slovac parlament.
  • 2012 Su partise SMER ganiat li absolut majorité e Fico denov devenit prim-ministre.
  • 2014 Fico perdit in li duesim rond del electiones presidential contra Andrej Kiska.
  • 2018 Fico demissionat quam prim-ministre li 15-im de marte 2018 pro li scandale pri li mortation del jurnalist Ján Kuciak.
  • 2023 Fico esset li prim-candidate por li electiones parlamentari in Slovakia por li partise SMER. Pos li victorie del electiones il devenit li 25-im de octobre 2023 prim-ministre denov prim-ministre de Slovakia.

Personal Vive[modificar | redacter fonte]

Robert Fico es maritat con li advocata Svetlana Ficová e have un filio Michal.