Roland Tichy
| Roland Tichy | |
|---|---|
 | |
| Land |  Germania
|
| Nascentie | 11-im de novembre 1955 in Bad Reichenhall |
| Ocupation | jurnalist, publicist |
Roland Tichy es un jurnalist e publicist de Germania. Il nascet li 11-im de novembre 1955 in Bad Reichenhall e es li fundator e editor del jurnal Tichys Einblick.
Roland Tichy studiat economie, political scientie e scientie de comunication in München e New Orleans. Pos su studies il laborat quam assistente al institut por popul-economomie del universitá de München.
Il esset chef-redactor del jurnales Euro, Impulse e Wirtschaftswoche. Inter 1983 e 1985 Tichy laborat in li cancellaria del german prim-ministre Helmut Kohl.
Roland Tichy esset director del fundation Ludwig-Erhard-Stifung inter 2014 e 2020. Ta il esset criticat pro un articul quel esset egardat de quelc persones e medies quam hostil contra féminas e pro to il ne candidat plu por ti position denov in li annu 2020. Roland Tichy es anc in li curatorium del fundation Friedrich-August-von-Hayek-Stiftung.
In li annu 2015 Roland Tichy fundat li conservativ jurnal Tichys Einblick.
Roland Tichy anc publicat pluri libres. Il es maritat con Andrea Tichy.