Ruth Maria Kubitschek
| Ruth Maria Kubitschek | |
|---|---|
 | |
| Land |  Germania,  Svissia
|
| Nascentie | 2-im de august 1931 in Chomutov, Tchecoslovakia |
| Morte | 1-im de junio 2024 in Svissia |
| Ocupation | Actoressa |
Ruth Maria Kubitschek esset un german-sviss actoressa de television, cinemá e teatre. Ella nascet li 2-im de august 1931 in Chomutov (Tchecoslovakia, hodie: Tchekia) e morit ye li 1-im de junio 2023 in Svissia.
Ruth Maria Kubitschek nascet e adultijat in Tchecoslovakia e ella e su familie esset expulset pos li fine del Duesim Guerre Mundal pro que ili apartenet al german population. Ruth Maria Kubitschek e su familie habitat pos li Duesim Guerre Mundal in Köthen in li German Democratic Republica. Ella studiat contra li volentie de su genitores acter in Halle (Saale) al Universitá de Teatre e Musica.
In li annu 1959 Ruth Maria Kubitschek restat in West-Germania e retornat al German Democratic Republica. Ella esset activ quam actoressa inter 1953 e 2013. Ruth Maria Kubitschek devenit famosi per li film Melissa in li annu 1966 de Francis Durbridge.
Ruth Maria Kubitschek ludet im mult serie de television in Germania. Ella devenit famosi por luder in li serie de television Monaco Franze - Der ewige Stenz in li annu 1983 en quel ella ludet li rol de Annette von Soettingen.
In li annu 2013 Ruth Maria Kubitschek aparit por li ultim vez in un film. Ella ludet in li german film Frau Ella (Seniora Ella) li cardinal rol de Ella Freitag. Ella recivet diversi premies durant su cariere quam actoressa.
In li annu 2013 Ruth Maria Kubitschek recivet li civitá de Svissia. Ella habitat til li annu 2022 in Salenstein (Svissia) e pos to til su morte in li annu 2024 in Ascona.
Ruth Maria Kubitschek esset maritat con li ópera-director Götz Friedrich inter 1953 e 1962. Li cuple havet un filio, qui nascet in annu 1962. Ruth Maria Kubitschek esset in un relation con li producente de television Wolfgang Rademann desde li annu 1976 til li morte de Wolfgang Rademann in li annu 2016. Ella morit pos curt e grav maladie ye li 1-im de junio 2024.