Saturn

De Wikipedia
Jump to navigation Jump to search
Saturn

Saturn es li sixesim planete del Sole in li Solari Sistema. It es li duesim max grand planete in li Solari Sistema, pos Jupiter. It es un del quar gigantes gaseosi, junt con Jupiter, Uranus e Neptun. Intra Saturn trova se probabilmen un cordie de ferre, nickel, silicon e oxigen, circumdat con un profund strate de hidrogen metallic, poy un strate de liquide de hidrogen e liquide de helium, poy finalmen un strate extern gaseosi. Circum Saturn trova se 82 lunes (adminim 82 es conosset). 53 inter ili possede n ómines, e li altri 29 atende un nómine. Ti max grand es Titan, quel have un vol úmine plu grand quam li planete Mercurie. Titan es li duesim max grand lune in li Solari Sistema. Li max grand lune es li lune de Jupiter, Ganimede. Hay anc un grandissim sistema de anelles circum Saturn. Ti-ci anelles es composit ex glacie con plu micri particules de petre e polve. Alcunes crede que li anelles esset format per un impacte con un lune o un altri evente simil. Saturn trova se circa 1,400,000 km del sole, e besona 29.6 annus por far un sol rotation circum li sole.