Schöngeising

Schöngeising es un municipie e village in Germania in li país federal Bavaria e it es un parte del Administrativ Comunitá Grafrath. It apartene al districte Supra Bavaria e al Subdistricte Fürstenfeldbruck. Schöngeising es situat 30 kilometres west del München e 7 kilometres sud-west del cité Fürstenfeldbruck.

Li municipie Schöngeising have 1886 (2014) habitantes e un area de 12,87 quadrat-kilometres.

Schöngeising consiste ex li tri partes: Schöngeising, Jexhof e Zellhof.

Schöngeising esset mentionat por li unesim vez in un historic documente in li annu 763 quam Kisingas. Zellhof esset mentionat historicmen in li annu 1314 e li village Jexhof 1433. Li hodial municipie Schöngeising esset format in li annu 1818 ex Schöngeising, Jexhof e Zellhof, ma anc li village Grafrath apartenet til li annu 1849 a it.

Schöngeising have un station ferroviari del linea S4 del S-Bahn München.