Sebastian Kurz

Sebastian Kurz es un politico de Austria. Il nascet li 27-im de august 1986 in Vienna e esset inter li 18-im de decembre 2017 e li 28-im de may 2019 li prim-ministre de Austria e denov de 7-im de januar 2020 til li 9-im de octobre 2021. Il esset li max yun prim-ministre in li historie del Republica de Austria esset li max yun ministre por externi aferes del Europan Union.

Kurz es membre del Austrian Popul Partise e desde li annu 2017 li presidente del Austrian Popul Partise. Li 2-im decembre 2021 il declarat su intention abandonar omni political functiones.

Personal e professional vive

Kurz nascet e adutijat in Vienna in li districte Meidling. Il finit li gimnasium in li annu 2004. Pos to il fat su obligatori militari servicie. Pos to Sebastian Kurz comensat studiar jurisprudentie in Vienna. Pro su political cariera il ne ha finit su studies til nu. Adplu il laborat durant su studies por un avocat-cancelleria e un grand bank.

Sebastian Kurz have un filio con su partnera Susanne Thiier.

Political cariera

2003 Sebastian Kurz devenit membre del Yun Popul Partise quel es li yunesse organisation del conservativ Austrian Popul Partise in Vienna.
2008 Kurz es electet quam presidente del Yun Popul Partise in Vienna.
2009-2017 Kurz esset presidente del Yun Popul Partise e devenit vice-presidente del Austrian Popul Partise in Vienna.
2010-2011 Membre del consilie municipal de Vienna por li Austrian Popul Partise.
2011-2013 Kurz esset secretario del state por integration.
2013 Kurz es electet quam membre del parlament de Austria por li Austrian Popul Partise e recivet li max resultate de omni candidates de ti partise in li electiones.
2013-2017 Sebastian Kurz esset inter li 16-im de decembre 2013 e li 18-im de decembre 2017 ministre por europan e international aferes in li guvernament de Werner Faymann.
2014 Li ministerie de Kurz recivet li nómine ministerie por Europa, integration e externi aferes.
2017 Sebastian Kurz devenit li 14-im de may 2017 presidente del Austrian Popul Partise e desde li 18-im de decembre 2017 il es li prim-ministre de Austria
2019 Sebastian Kurz perdit li position del prim-ministre li 28-im de may 2019 pos li ruptura del coalition inter Austrian Popul Partise e li Partise del Libertá de Austria per un vote de non-confidentie in li parlament pro li Ibiza-afere.
2020-2021 Kurz esset denov prim-ministre de Austria inter 7-im de januar 2020 e li 9-im de januar 2021.
2021 Kurz anunciat li 9-im de octobre 2021 demissionat quam prim-ministre de Austria pro reproches de coruption. Il declarat li 2-im de decembre su retraida de omni political functiones.