Sidney Poitier

De Wikipedia
Saltar por navigation Saltar por sercha
Sidney Poitier
Sidney Poitier
Land USAUSA USA
Nascentie 20-im de februar 1920
in Miami, Florida
Morte 6-im de januar 2022
in Los Angeles, California
Ocupation Actor

Sidney L. Poitier esset un actor e director de filmes de television e de cinemá de USA e Bahamas. Il nascet li 20-im de februar 1920 in Miami, Florida e morit li 6-im de januar 2022 in Los Angeles, California. Quam unesim afro-american actor Sidney Poitier ganiat in li annu 1964 li Oscar-premie.

Sidny Poitier esset activ quam actor inter li annus 1946 e 2009. Li max famosi filmes in queles il ludet quam actor esset To Sir, with Love; Guess Who's Coming to Dinner, and In the Heat of the Night in li annu 1967. Li tema de su filmes esset sovente li relationes inter li diferent rasses in li USA.

Sidney Poitier anc esset un activist por li yures del afro-americanes in li USA. Sidney Poitier anc havet li civitá de Bahamas e esset ambassador de Bahamas in Japan inter 1997 e 2007 e inter 2002 e 2007 li ambassador de Bahamas che li UNESCO.

Sidney Poitier anc esset activ quam director de filmes.

Sidney Poitier esset duvez maritat e havet six infantes. Inter 1950 e 1965 il esset maritat con Juanita Hardy e desde 1976 con li actoressa Joanna Shimkus. Li actoressa Sydney Tamiia Poitier es li filia de Sidney Poitier e Joanna Shimkus.

Sidney Poitier morit li morit 6-im de januar 2022 in li etá de 94 annus.