Sincronisat Svimmada

Sincronisat Svimmada es svimm-sport ante omnicos por féminas e puellas. Desde li annu 1984 it es anc parte del programma del Olimpic Ludes de estive. It hay competitiones por in li disciplites singul, duett o gruppe con quar o ott svimmeras.

In li sincronisat svimmada li sportistes deve svimmar sincronmen a musica e in li duett o gruppe con altri svimmeres. Li sportistes fa artistic figuras in li aqua. Quelcvez on nomina ti sport anc aqua-ballette.

Sincronisat svimmada combina elementes del ballette, artistic gimnastica e svimmada. Durant su programmas li sportistes deve esser por un cert témpor sub li aqua. Un exercition de sincronisat svimmada dura til 2 minutes e 50 secondes in li curt programma e inter 4 minutes e 45 secondes e 5 minutes e 15 secondes in li líber programma.

Li programmas del sportistes es judicat secun sincronitá con li musica e inter li sportistes e li tecnic desfacilitá del programma e qual bon ti elementes es executet. Li judicos evalua li exercitiones con punctus inter un e deci. In li competition de gruppes e duette li svimmeras porta identic costumes de balne.

Historie

Sincronisat Svimmada originat del fine del 19-im secul. In li comense it esset un sport por mannes. Un del unesim competitiones esset in li annuu 1891 in Berlin. Desde li annu 1907 anc féminas partiprendet in li competitiones del sincronisat svimmada. Katherine Curtis del Unit States de America creat li unesim regules por ti sport.

In li Pan-American Ludes 1951 e li Olimpic Ludes 1952 sincronisat svimmada esset sport de demonstration. Ci li svimmera Beulah Gundling ludet un important rol por far ti sport internation acceptat. In li 1950s annus li sincronisat svimmada devenit un sport solmen por féminas.

Sincronisat svimmada devenit internationalmen conosset per li actoressa Ester Williams e su in Hollywood productet aqua-musicals. In li annu 1968 sincronisat svimmada esset acceptet quam svimm-sport in li Federation International de Svimmada (FINA). In li annu 1984 li duett in li sincronisat svimmada devenit parte del Olimpic Ludes de estive.

Li max successosi landes in ti sport es Russia, Canada, China, Japan e li Unit States de America.

Organisation

Li sport es organisat in li international nivelle del Federation International de Svimmada (FINA). Li FINA ne permisse international competitiones por mannes in li sincronisat svimmada.

Li championatu mundal del sincroniat svimmada es parte del programma del championatu mundal de svimmada e eveni chascun quar annus. Ci it hay competitiones in li disciplines singul, duette, team e combination.

Sincronisat svimmada che li Olimpic Ludes

Sincronisat svimmada es desde li annu 1984 parte del programma del Olimpic Ludes de estive. Inter 1984 e 1992 li singul competition esset olimpic. Desde li annu 1984 li duette e desde li annu 1996 anc li gruppe es olimpic. Li gruppe consiste ex ott sportistes.