Steffen Große
| Steffen Große | |
|---|---|
| Land |  Germania
|
| Nascentie | 4-im de octobre 1967 in Stralsund |
| Ocupation | Politico, jurnalist |
Steffen Große es un politico de Germania. Il nascet li 4-im de octobre 1967 in Stralsund e es desde li 20-im de novembre 2022 presidente del conservativ partise Alliantie Germania.
Personal e professional vive[modificar | redacter fonte]
Steffen Große studiat 1989 e 1994 pos li scola jurnalistica in Leipzig. Il laborat por li jurnal Leipziger Volkszeitung quam líber autor e quam jurnalist e moderator che li radio-station Radio Sachsen. In li annu 1992 il laborat du annus quam redactor che li radio-station MDR Life in Leipzig e il devenit vice-chef-redactor del radio-station Antenne Sachsen.
Desde li annu 2007 il labora por li guvernament de Saxonia in diversi functiones.
Steffen Große es maritat por li duesim vez e habita con su familie in Dresden. Il have ex su unesim maritage du infantes.
Political cariera[modificar | redacter fonte]
- 1994-2006 Steffe Große esset membre del Cristan Democratic Union de Germania.
- 2012-2020 Steffen Große esset membre del Partise Líber Electores in Saxonia. Il esset general-secretario e membre del national presidentie del Partise Líber Electores. Steffen Große esset anc presidente del Líber Electores Dresden.
- 2020 Steffen Große abandonat li Partise Líber Electores pos un dispute con li presidente del partise Hubert Aiwanger pri li mesuras contra li COVID-19 pandemie.
- 2021 Steffen Große fundat in Rodewitsch li Bürgerallianz Deutschland e devenit membre del Bürgerlich-Freiheitlichen Aufbruch.
- 2022 Steffen Große devenit presidente del nov fundat conservativ partise Alliantie Germania ye li 20-im de novembre 2022.