Stevčo Jakimovski
| Stevčo Jakimovski | |
|---|---|
| Land |  Macedonia
|
| Nascentie | 27-im August 1960 in Kriva Palanka |
| Partise | GROM |
| Oficies | |
| Borgomastro del Municipie Karpoš | |
| Quande | 2009-2017 e denov desde 2021 |
| Antecessor | Stefam Bogoev (2017-2021) |
| Presidente del partise GROM | |
| Quande | 2013 - til hodie |
| Antecessor | null |
Stevčo Jakimovski (macedonian: Стевчо Јакимовски) es un politico de Nord-Macedonia. Il nascet li 27-im de august 1960 in li village Podrži Konj, quel apartene al municipie Kriva Palanka. Stevčo Jakimovski esset inter 2009 e 2017 e denov desde li annu 2021 borgomastro del municipie Karpoš, quel es parte del cité capital Skopje. Stevčo Jakimovski es li fundator e presidente del partise GROM, quel il fundat in li annu 2013
Personal e professional vive[modificar | redacter fonte]
Stevčo Jakimovski studiat economie in Skopje. Pos su studies il laborat quam jurnalist e in li annu 1992 director de un agentie por turisme in Skopje. Jakimovski esset quinvez champion de karate de Nord-Macedonia. Il fundat su propri firma e directe it.
Stevčo Jakimovski es maritat e have du filios.
Political cariera[modificar | redacter fonte]
Stevčo Jakimovski esset membre del partise Social Democratic Union de Macedonia til li annu 2013. Il abandonat li partise proque il esset contra li boycotte del local electiones in li annu 2013.
- 2000-2003 Stevčo Jakimovski esset borgomastro del municipie Karpoš in Skopje. Il esset li candidate del Liberal-Democratic Partise de Macedonia.
- 2004 Stevčo Jakimovski esset ministre de economie de Nord-Macedonia in li guvernament de Vlado Bučkovski.
- 2004-2006 Stevčo Jakimovski esset ministre por labore e social aferes in li guvernament de Vlado Bučkovski.
- 2009-2017 Stevčo Jakimovski esset denov borgomastro del municipie Karpoš in Skopje.
- 2013 Stevčo Jakimovski abandonat li Social Democratic Union de Macedonia e fundat li partise GROM. Il devenit presidente del partise GROM.
- 2017 Stevčo Jakimovski es electet por li triesim vez a borgomastro del municipie Karpoš in Skopje.
- 2024 Stevčo Jakimovski candidat por li electiones presidential de Nord-Macedonia, ma recivet solmen 1,0 percent in li unesim rond e finit ye li ultim rang inter sett candidates.