SurrealDB
SurrealDB es un database del tip multi-modal. Fundat in 2016 de du fratres del Reyatu Unit, Tobie e Jamie Morgan Hitchcock, it devenit public por li prim vez quam beta in 2021 e poy version 1.0 in 2023. In li sam annu, SurrealDB anunciat $6 million dollares de investiment.[1] SurrealDB es scrit in li lingue de programmation Rust (quel self es relativmen nov, lansat quam version 1.0 in 2015). It usa un lingue de sintaxe nominat SurrealQL, quel es simil a SQL in form ma índependentmen developat.
Multi-modal significa que on posse usar it per pluri metodes: quam un simplic database documentari, adjunter un schema por definir li relationes ínter tabelles e registres (tip relational), e crear relationes ínter tabelles (tip grafic).
Un exemple occidentalistic del sintaxe:
CREATE person:edgar_de_wahl SET
nomine = "Edgar",
surnomine = "de Wahl";
CREATE cite:tallinn SET
nomine = "Tallinn",
anteyan_nomine = "Reval";
RELATE person:edgar_de_wahl->vivet_in->cite:tallinn;
SELECT
->vivet_in->cite.* AS loc,
nomine + ' ' + surnomine AS nomine_de_person
FROM person;
Surrealist es li nómine del grafic app oficialmen usat por SurrealDB. In prim developat índependentmen, li app strax devenit li max comun metode por usar li database e plu tard li developator de Surrealist devenit employate de SurrealDB junt con Surrealist quam platform oficial.[2]