Sylvia Likens
Sylvia Marie Likens esset li victime de un cruel mortation in li annu 1965 in li Unit States de America in li federal state Indiana. Sylvia Likens nascet li 3-im de januar 1949 in Lebanon (Indiana) e esset mortat li 26-im de octobre 1965 in Indianapolis in li etá de 16 annus. Li casu de su martirie til su morte devenit famosi sur li tot munde.
Pro li documentes del tribunale queles es public til hodie it es un del max bon documentat casu del infant-abusa.
Familie e vive de Sylvia[modificar | redacter fonte]
Sylvia Marie Likens nascet quam li triesim infante del caruselle-laboreros Lester Cecil Likens (1926-2013) e Elizabeth Frances Likens (nascet Grimes) (1927-1998). Sylvia havet quar fratres e sestras e nascet inter du gemelle-pare. Diana e Danny esset du annes plu old e Jenny e Benny un annu min old quam Sylvia.
Li maritage de su genitores ne esset tre stabil e su genitores separat se quelc vezes e Sylvia e su sestre Jenny devet habitar frequentmen che parentes e altri persones. Li familie translocat frequentmen pro li labor del genitores e Sylvia devet changear sovent li scola.
Sylvia amat música e self cantat. Su favorat music-gruppe esset The Beattles.
Li li annu 1965 su patre Lester arangeat que Sylvia e Jenny habitat che Gertrude Baniszewski, qui self havet six infantes. Lester Likens payat Gertrude Baniszewski 20 US-dóllares por chascun semane por que Sylvia e Jenny posset habitar che li Baniszewski familie in Indianapolis. Li matre de Sylvia esset arestat durante ti témpore pro furter in un butica.
Abusa e morte[modificar | redacter fonte]
Gertrude Baniszewski havet sett propri infantes Paula Baniszewski (havent 17 annus quande Sylvia venit in li familie) e Stephanie Baniszewski (15), John Baniszewski (14), Marie Baniszewski (11), Shirley Baniszewski (10), James Baniszewski (8) e li bebé Dennis Lee Wright (quelc mensus).
Gertrude Baniszewski esset povri e malad e ella regularimen frappat su propri ma anc Sylvia Likens e su sestra Jenny. Ma Sylvia devenit plu e plu li cible de su agresion. Gertrude Baniszewski frappat e torturat Sylvia plu e plu con li auxilie de su propri infantes. Mem infantes ex li vicinitá venit in li dom por torturar Sylvia pro plesura. Gertrude Baniszewski narrat que Sylvia devet esser punit. Un vez Sylvia provat fugir, ma esset plu e plu tro debil por resister.
Sylvia esset fortiat manjar su excrementes e trincar urine. Li torturatores versat calidissim aqua súper ella e Sylvia esset incatenat in li céllar. Gertrude Baniszweski assertet que Sylvia hat furtet e havet sexual relationes con mult púeres. Omni ti acusationes esser inventet de Gertrude Baniszewski ma esset li justification por li tortura de Sylvia. Gertrude Baniszewski mem tatuat Sylvia Likens per un calid agullie li paroles "Yo es un prostituta e yo es fier pri to" sur li stomach del puella. Quelc semanes plu tard Sylvia Likens morit pos pluri abusas e battes. Sylvia solmen recivet poc aqua e manjage durant su martirie. Pro un abusa con un botelle in su vágine Sylvia esset devenit íncontinent. To anc esset un justification por ti tortura del puella. Li autopsie resultat in li facte que Sylvia finalmen morit pro un hemoragie in li cerebre e interiori sanguada quam consequentie del battes.
Pos su morte li policia arestat li familie e salvat Jenny Fay Likens. Gertrude Baniszewski esset condamnat a un vive-durant cárcere sententie, ma esset pardonat pos 20 annus in li annu 1985.
Sylvia Likens in li arte[modificar | redacter fonte]
Li tragic vive e morte de Sylvia Likens esset un inspiration por quelc libres e du filmes. Li max important oves es:
- John Ketchum: The girl next door. Roman (1989).
- The Girl Next Door (film). Film basat sur li roman de Ketchum con Blythe Auffarth (2007).
- An American Crime. Film con Ellen Paige quam Sylvia Likens e Catherine Keener quam Gertrude Baniszewski (2007).