Terry Reintke

Theresa "Terry" Reintke es un féminin politico de Germania. Ella nascet li 9-im de may 1987 in Gelsenkirchen e es desde li annu 2014 membre del Europan Parlament por li radical ecologic levul partise Alliantie'90/Li Verdes. Terry Reintke es desde li annu 2022 co-presidente del fraction Li Verdes/Europan Líber Alliantie in li Europan Parlament e un del du prim-candidates por Li Verdes/Europan Líber Alliantie in li electiones al Europan Parlament in li annu 2024.

Personal e professional vive[modificar | redacter fonte]

Terry Reintke studiat political scientie in Berlin e Edinburgh. Pos su studies ella comensat laborar quam assistente por Ulrich Schneider, quel esset membre del german parlament por li radical ecologic levul partise Alliantie'90/Li Verdes.

Terry Reintke es in un lesbian relation con li frances féminin politico Mélanie Vogel e li cuple habita in Bruxelles. Ella es un activista por homosexualisme.

2004 Terry Reintke devenit membre in li radical-levul organisation de yunesse del partise Alliantie'90/Li Verdes.
2008-2009 Terry Reintke esset membre in li presidentie national del radical-levul organisation de yunesse del partise Alliantie'90/Li Verdes.
2011-2013 Terry Reintke esset presidente del Federation del Yun Europan Verdes.
2012 Terry Reintke devenit membre del Alliantie'90/Li Verdes.
2014 Terry Reintke esset electet in li Europan Parlament por li radical ecologic levul partise Alliantie'90/Li Verdes.
2019 Terry Reintke es reelectet in li Europan Parlament por li partise Alliantie'90/Li Verdes.
2022 Terry Reintke devenit co-presidente del fraction Li Verdes/Europan Líber Alliantie in li Europan Parlament.
2024 Terry Reintke esset un del du prim-candidates por Li Verdes/Europan Líber Alliantie in li electiones al Europan Parlament in li annu 2024.