Witold Waszczykowski
Witold Jan Waszczykowski es un politico de Polonia. Il nascet li 5-im de may 1957 in Piotrków Trybunalski e il es desde li 16-im de novembre 2015 ministre por externi aferes de Polonia. Waszczykowski es membre del conservativ political partise Jure e Justicie.
Personal e professional vive[modificar | redacter fonte]
Waszczykowski studiat historie in li universitá de Łódź. Il finit su studies in li annu 1990 e laborat quam assistente in li historic-filosofical facultá del universitá de Łódź. Waszczykowski anc studiat in li Universitá de Oregon e li Centre por Politico de Securitá in Geneva.
Political cariera[modificar | redacter fonte]
- 1992-2008 Diversi functiones in li ministerie por externi aferes de Polonia.
- 1999-2002 Ambassador de Polonia in Iran.
- 2008-2010 Il esset vice-presidente del oficie por national securitá.
- 2010 Waszczykowski candidat sin successe por li oficie del borgomastro del cité Łódź.
- 2011 Witold Waszczykowski es electet por li partise Jure e Justicie in li Sejm, li parlament de Polonia.
- 2014 Il candidat sin successe por li Europan Parlament.
- 2015 Witold Waszczykowski es electet denov in li Sejm e devenit li 16-im de novembre 2015 ministre por externi aferes de Polonia in li guvernament de Beata Szydło.