Xi Jinping

Xi Jinping es un politico del Popul Republica China. Il nascet li 15-im de junio 1953 in Beijing e es desde li 15-im de novembre 2012 general-secretario del Comunist Partise de China e desde li 14-im de marte 2013 presidente de China.

Personal e professional vive

Xi Jinping es li filio del comunist functionario Xi Zhongxun. Il studiat chimie in Beijing e fat su doctoratu in jurisprudentie.

Desde li annu 1987 il es maritat con li cantoressa Peng Liyuan in duesim maritage. Li cuple have un filia Mingze. Su unesim marita esset Ke Xiaoming.

Political cariera

1974 Xi Jinping devenit membre del Comunist Partise de China.
1999-2002 Guvernator del provincia Fuzhou.
2003 Guvernator del provincia Zhejiang.
2007 Xi Jinping devenit membre del Polit-buró del Comunist Partise de China.
2008-2013 Vice-presidente del Popular Republica China.
2012 Il es electet li 15-im de novembre 2012 quam general-secretario del Comunist Partise de China.
2013 Xi Jinping es electet li 14-im de marte 2013 presidente de China.

Politica

Xi Jinping combatte contra li coruption in su land.

Li political positiones de Xi Jinping es nationalist. Xi Jinping suporta un strett cooperation con li presidente de Russia Vladimir Putin. Il es critical contra li guvernament in Nord-Korea e ha ameliorat li relationes con Sud-Korea.