Ziadin Sela
Ziadin Sela es un politico de Macedonia. Il nascet li 1-im de novembre 1972 in Livada in li municipie Struga. Desde li annu 2011 il es li borgomastro de Struga e desde li 21-im de marte 2015 presidente del Democratic Partise de Albaneses. Secun nationalitá il es albanese.
Personal e professional vive
[modificar | redacter fonte]Sela finit li scole in Priština (Kosovo). Il studiat inter 1992 e 1998 medicina in Tirana (Albania). Pos to il laborat quam medico specialisat in interni medicina til li annu 2006 quande il devenit laborar por li ministerie de sanitá de Macedonia.
Il es maritat e have du infantes.
Poltical cariera
[modificar | redacter fonte]- 2009 Ziadin Sela devenit presidente del organisation de Democratic Partise de Albaneses in Struga.
- 2011-2013 Sela esset membre del parlament de Macedonia.
- 2013 Sela es electet quam borgomastro de Struga.
- 2015 Sela es electet li 21-im de marte 2015 quam presidente del Democratic Partise de Albaneses quam successor de Menduh Thaci. Ma li legitimitá de ti congress es disputat pro que solmen adherentes de Sela esset present in it. In facte Menduh Thaci restat in control del Democratic Partise de Albaneses.
- 2016 Sela directet li electoral coalition Alliantie por li Albaneses in li parlamentari electiones 2016 e devenit membre de Sobranie (parlament de Macedonia).
- 2017 Ziadin Sela es vulnerat in li atacca al Sobranie li 27-im de april 2017 del activistes del partise VMRO-DPMNE.