Zoran Tegeltija

Zoran Tegeltija es un politico de Bosnia e Herzegovina. Il nascet li 29-im de septembre 1961 in Mrkonjić Grad e esset inter li 23-im de decembre 2019 e li 25-im de januar 2023 prim-ministre de Bosnia e Herzegovina. Tegeltija es secun li nationalitá serb e il es membre del partise Union del índependent socialdemocrates. Il es desde li 25-im de januar 2023 ministre por financies de Bosnia e Herzegovina.

Personal e professional vive[modificar | redacter fonte]

Tegeltija studiat economie in Sarajevo e fat su doctoratu al universitá de Beograd. Il laborat in li industrie de petroleo e in li admistration del Republika Srpska.

Il es maritat e have du filias Jelena e Ivana.

Political cariera[modificar | redacter fonte]

1998 Zoran Tegeltija devenit membre del Union del índependent socialdemocrates.
2000-2002 Membre del parlament del Republika Srpska por li Union del índependent socialdemocrates .
2004-2010 Borgomastro de Mrkonjić Grad.
2010-2018 Tegeltija esset ministre por financies del Republika Srpska.
2018 Tegeltija es electet in li parlament del Republika Srpska.
2019 Zoran Tegeltija es electet li 23-im de decembre 2019 prim-ministre de Bosnia e Herzegovina.
2019-2023 Zoran Tegeltija esset prim-ministre de Bosnia e Herzegovina inter li 23-im de decembre 2019 til li 25-im de januar 2023.
2023 Zoran Tegeltija devenit li 25-im de januar 2023 ministre por financies de Bosnia e Herzegovina in li guvernament de Borjana Krišto.