Zrenjanin
Zrenjanin es un cité de Serbia. It es situat in li nord del land in li autonom provincia Vojvodina. In hungarian li cité have li nómine Nagybecskerek e in german Grossbetschkerek.
It have 75.743 (2011) habitantes e es li triesim max grand cité del provincia Vojvodina e li sixesim max grand cité de Serbia.
Li rivere Begej flue tra Zrenjanin.
Historie
[modificar | redacter fonte]Li cité esset mentionat por li unesim vez in li annu 1326 sub li nómine Becskerek. It esset un parte de Hungaria. Durant li regne del Habsburgeres li cité havet li nómine german nómine Großbetschkerek, li hungarian nómine Nagybecskerek e li serb nómine Veliki Bečkerek.
In li Reyatu Yugoslovia li cité recivet li nómine Petrovgrad.
In li annu 1946 li cité recivet li actual nómine Zrenjanin por honoror li local comandante del partisanes Žarko Zrenjanin. Pos li fine del comunisme Zrenjanin conservat ti nómine.