Andreas Kalbitz
.jpg)
Andreas Kalbitz es un politico de Germania. Il nascet li 17-im de novembre 1972 in München e esset inter 2017 e 2020 presidente del partise Alternative por Germania in Brandenburgia e chef del fraction del Alternative por Germania in li parlament de Brandenburgia. In li annu 2020 Andreas Kalbitz esset excludet ex li partise Alternative por Germania. Il esset membre del parlament de Brandenburgia inter 2014 e 2020.
Personal e professional vive
[modificar | redacter fonte]Andreas Kalbitz esset 12 annus professional soldate in li Bundeswehr quam paracadist. Il studiat informatica in Brandenburg an der Havel, ma ne finit li studie. Inter li annus 2009 e 2013 Kalbitz esset in li gerentie del edition Edition Apollon in Königs Wusterhausen. Pos li bancrotte del edition il laborat quam índependent consiliator por informatic tecnologie.
Andreas Kalbitz es maritat e have tri infantes.
Political cariera
[modificar | redacter fonte]Andreas Kalbitz esset membre del Cristan Social Union in Bavaria e pos to in li dextri partise Li Republicanes.
- 2013 Andreas Kalbitz devenit membre del Alternative por Germania.
- 2014 Andreas Kalbitz esset electet in li parlament de Brandenburgia e membre del consilie municipal de Königs Wusterhausen.
- 2014-2024 Andreas Kalbitz esset membre del parlament de Brandenburgia.
- 2015 Kalbitz devenit vice-presidente del Alternative por Germania in Brandenburgia.
- 2017 Andreas Kalbitz devenit presidente del fraction del Alternative por Germania in li parlament de Brandenburgia e membre del presidentie del Alternative por Germania del federation.
- 2017-2020 Andreas Kalbitz esset presidente del Alternative por Germania in Brandenburgia e chef del fraction del Alternative por Germania in li parlament de Brandenburgia.
- 2020 Andreas Kalbitz esset excludet ex li partise Alternative por Germania.
Andreas Kalbitz esset membre del extrem-dextri parte del Alternative por Germania.