Alternative por Germania
.jpg)
Li Alternative por Germania (german: Alternative für Deutschland) es un political partise in Germania. It es critical contra li Europan Union e es acurtat AfD.
- Fundation: 6-im de februar 2013
- Political direction: critical contra li Europan Union, national-conservativ
- Presidentes: Tino Chrupalla, Alice Weidel
- Vice-presidente: Stephan Brandner, Peter Boehringer, Mariana Harder-Kühnel
- Honor-presidente: Alexander Gauland
- Fundator: Bernd Lucke
- Membritá: 40.131 (2023)
- Reprensentantes in li national parlament: 81 (2021) por 10,3 percentes in li Federal electiones de Germania 2021
- Mandates in li Europan Parlament: deci membres in li fraction del Europan del Libertá e Direct Democratie
- Representantes in li parlamentes del países federal: 162 mandates
- Saxonia-Anhalt 25, Berlin 25, Baden-Württemberg 23, Mecklenburg-Vorpommeria 18, Nordrhen-Westfalia 16, Saxonia 14, Rhenland-Palatinia 14, Brandenburgia 10, Infra Saxonia 9, Thuringia 8, Hamburg 8, Saarland 3, Bremen 1.
Li partise Alternative por Germania esset fundat pro li proteste contra li politica del german guvernament de Angela Merkel por li salvation del comun europan valuta Euro. Li Alternative por Germania demanda que membres del Europan Union queles have grand financiari problemas deve abandonar li Euro e que li altri membres ne paya por ti bancrott states.
Li partise es critical contra li liberal politica de inmigration de Germania in li annu 2015.
Adversarios del partise asserte que li AfD es dextri-populistic o mem extrem-dextri. Li partise self regarda se quam national-conservativ.
Organisation[modificar | redacter fonte]
Li Alternative por Germania es organisat in omni partes de Germania. It ne havet un sol presidente, ma tri parlatores, ma li dominant political figura es Bernd Lucke. Li partise have un jurnal AfD-kompakt, quel es publicat chascun mensu. Li partise have organisation por li yunesse, li Yun Alternative por Germania. Desde li annu 2015 li partise have solmen un presidente.
In li marte 2015 li partise fundat li Desiderius-Erasmus-Fundation quel es proxim del partise. Konrad Adam esset electet quam presidente del fundation. Desde li marte 2018 Erika Steinbach es li presidente del Desiderius-Erasmus-Fundation.
Presidentes del partise[modificar | redacter fonte]
- 2013-2015 Bernd Lucke, Frauke Petry e Konrad Adam quam co-presidentes.
- 2015-2017 Frauke Petry (inter li 4-im de julí 2015 e li 26-im de septembre 2017) e Jörg Meuthen quam co-presidentes.
- 2017-2019 Alexander Gauland e Jörg Meuthen quam co-presidentes.
- 2019-2022 Jörg Meuthen e Tino Chrupalla quam co-presidentes.
- 2022- Tino Chrupalla e Alice Weidel
Electoral Resultates[modificar | redacter fonte]
Poc mensus pos su fundation li Alternative por Germania partiprendet in li electiones del german parlament 2014 e atinget 4,7 percent e in li electiones al parlament del país federal Hesse 4,1 percent. Ambi resultates ne esset suficient por atinger li parlamentes.
In li electiones al Europan Parlament 2014 li 25-im de may 2014 li Alternative por Germania recivet 7,1 percent e ganiat sett sedes. Desde li 1-im de julí Bernd Lucke, li economist Hans-Olaf Henkel, Bernd Kölmel, Beatrix von Storch, Joachim Starbatty, Ulrike Trebesius e Marcus Pretzell representa li Alternative por Germania in li Europan Parlament. Ili es membres in li fraction del Europan Conservatives e Reformistes in quel es anc representat li Britannic Conservativ Partise.
In li electiones al parlament del german país federal Saxonia li Alternative por Germania atinget 9,7 percent e ganiat 14 sedes in li parlament. It esset li unesim vez que li partise intrat in parlament sur li nivelle del países federal de Germania. Li partise anc intrat in li parlamentes del países federal Brandenburgia con 12,2 percentes e 11 sedes e li Thuringia con 10,6 percentes e 11 sedes.
In li februar 2015 li partise atinget in li electiones del país federal Hamburg 6,1 percentes e intrat con ott sedes por li unesim vez in un parlament de un país federal in li west de Germania. Anc in li electiones in Bremen in li may 2015 li Alternative por Germania intrat in li parlament.
In li electiones del país federal Saarland li Alternative por Germania recivet 6,2 percentes e tri mandates.
Historie[modificar | redacter fonte]
Li partise esset fundat del criticardes del comun europan valuta Euro. Inter 2013 e 2015 li Alternative por Germania havet tri parlatores qui havet in facte li functiones del presidente. Li fundator del partise Bernd Lucke volet devenir li sol presidente e li statute del partise esset changeat in li annu 2015 in ti direction.
Desde 2014 evenit plu e plu interni conflictes inter li liberal-ecoomic fraction del partise con fundator Bernd Lucke e Hans-Olaf Henkel e li national-conservativ fraction con Frauke Petry. Frauke Petry suportat in contrarie a Bernd Lucke un cooperation con li islam-critic movement PEGIDA. In li comense del annu 2015 Lucke fundat li asociation Weckruf 2015 quel colecte moderat membres del partise.
In li partise congress in Essen li 4-im de julí 2015 Frauke Petry esset electet con 60 percentes del votes quam nov presidente del partise, Bernd Lucke perdit ti election con solmen 38 percentes. Pos ti victorie del national-conservativ fraction nu li fraction de Bernd Lucke considera li fundation de un nov partise.
Li Alternative por Germania intrat in li annu 2017 in li parlament de Germania per un resultate de 12,6 percentes e have 94 representantes ta. Li 26-im de septembre 2017 li presidente del partise Frauke Petry forlassat li partise. Li Alternative por Germania ganiat mem tri direct mandates e devenit li plu fort partise in li país federal Saxonia.
Li Alternative por Germania intrat denov in li parlament de Germania in li electiones federal ye li 26-im de septembre 2021 li partise atinget 10,3 percentes e 83 representantes.
Li 28-im de januar 2022 li co-presidente del partise Jörg Meuthen forlassat li partise e su oficie. Li moderat-conservativ politico de Meuthen ne havet plu un majorité in li partise.