Yun Alternative por Germania
Li Yun Alternative por Germania (german: Junge Alternative für Deutschland) esset li organisation de yunité del dextri political partise Alternative por Germania in Germania. It esset fundat in li junio 2013. Li german servicie secret por interni aferes Bundesamt für Verfassungsschutz egarda li Yun Alternative por Germania quam extrem dextri. Li organisation es acurtat JA. Ye li 12-im de januar 2025 li Alternative por Germania decidet que li Yun Alternative por Germania ne es plu su organisation de yunesse e li partise vole nu fundar un nov organisation del yunesse intra li partise. Li Yun Alternative por Germania dissoluet se self ye li 31-im de marte 2025. Li successor del Yun Alternative por Germania es li Generation Germania, quel esset fundat ye li 29-im de novembre 2025
- Fundation: junio 2013
- Dissolution: 31-im de marte 2025
- Political direction: extrem dextri til national-conservativ
- Ultim presidente: Hannes Gnauck
- Ultim vice-presidente: Sven Kachelmann, Tomasz Froehlich, Nils Hartwig
- Membritá: circa 1.700 (octobre 2022)
- Etá: membres posse haver inter 14 e 36 annus.
Organisation
[modificar | redacter fonte]Li Yun Alternative por Germania havet organisationes in chascun del 16 país federal de Germania. Circa 90 percentes de su membres esset anc membres in li partise Alternative por Germania. Si on esset plu yun quam 36 annus e membre del Alternative por Germania on ne esset automaticmen membre del Yun Alternative por Germania.
Presidentes del Yun Alternative por Germania
[modificar | redacter fonte]- 2013–2014: Torsten Heinrich (abandonat li organisation).
- 2014–2015: Philipp Ritz (abandonat li organisation).
- 2015: Philipp Meyer (abandonat li organisation).
- 2015–2018: Sven Tritschler (devet forlassar li organisation pro su etá)
- 2018–2021: Damian Lohr
- April – Mai 2021: Marvin Timotheus Neumann (demissionat)
- 2021–2022: Carlo Clemens
- 2022-2025 Hannes Gnauck