Frauke Petry
Frauke Petry es un politico de Germania. Ella nascet li 1-im de junio 1975 in Dresden quam Frauke Marquardt e esset inter li 4-im de julí 2015 e li septembre 2017 presidente del partise Alternative por Germania. Ella ductet anc li partise in li electiones al parlament del páis federal Saxonia in li august 2014. Ella devenit un membre del parlament de Saxonia e ducte desde li septembre 2014 li fraction del Alternative por Germania in li parlament de Saxonia. Ella fundat in li septembre 2017 Li Blu Partise.
Personal e professional cariera[modificar | redacter fonte]
Ella nascet quam filia de un chimica e un ingeniero in Dresden. Ella adultijat in Schwarzheide, ma in li annu 1995 li familie translocat al west de Germania e habitat in Bergkamen in Westfalia. Ta Frauke Petry finit li licéo.
Ella recivet un stipendie e studiat chimie in li universitá de Reading (Reyatu Unit) e inter 1998 e 2000 in Göttingen. In li annu 2004 ella fat su doctoratu in Göttingen.
In li marte 2007 ella fundat li firma PURinvent GmbH in Leipzig-Plagwitz quel producte un special plastic-materiale. In li annu 2013 li firma esset bancrott e it esset vendit a un consortium in li sud de Germania, ma Frauke Petry restat li chef-menagera del firma.
Ella maritat con un evangelic-luteran prestro e have quar infantes.
Polical cariera[modificar | redacter fonte]
- 2013 Frauke Petry es inter li fundatores del partise Alternative por Germania in li februar 2013 e electet quam un del tri parlatores del partise li 14-im de april.
- 2014 Frauke Petry esset electet quam li prim candidate sur li liste del Alternative por Germania por li electiones al parlament del país federal Saxonia.
- 2014 Ella es electet in li parlament de Saxonia e devenit li chef del fraction del Alternative por Germania quel have 14 membres in li parlament.
- 2015 Frauke Petry es electet quam presidente del partise Alternative por Germania con 60 percentes del votes sur li partise-congress in Essen li 4-im de julí 2015 e victet li fundator del partise Bernd Lucke.
- 2017 Frauke Pertry demisset quam presidente del Alternative por Germania e forlasset li fraction del partise. Ella fundat li partise Li Blu Partise e es membre sin fraction in li parlament de Germania.