Weckruf 2015

De Wikipedia

Weckruf 2015 (Cri por avigilar 2015) es un political organisation in Germania quel esset fundat in li 18-im de may 2015 quam asociation del moderat fraction del partise Alternative por Germania. Li presidente del Weckruf 2015 es Ulrike Trebesius.

Li initiator del fundation esset li ex-presidente del partise Alternative por Germania. It havet li function colecter li moderat fraction del partise in li interni conflicte con li dextri fraction del partise. Inter li membres del organisation es quin membres del Europan Parlament Hans-Olaf Henkel, Bernd Kölmel, Bernd Lucke, Ulrike Trebesius e Joachim Starbatty. Til li junio 2014 4000 del circa 21.000 membres del Alternative por Germania devenit membres del organisation.

Li dextri parte del partise Alternative por Germania criticat li fundation del organisation quam prova de fisser li partise e volet mem excluder li membres del Weckruf 2015 ex li partise.

Li partise-congress del Alternative por Germania in Essen li 4-im e 5-im de julí 2015 finit con li triumf del dextri fraction e li grand majorité del membres del organisation Weckruf 2015 forlassat li partise Alternative por Germania.

Un grand majorité de 71 percentes del membres del organisation Weckruf 2015 votat in un internet-requeste pos li partise-congress in li julí 2015 por fundar un nov political partise. Nu li organisation es li base del moderat parte del Alternative por Germania por fundar un nov political partise. Li provisori nómine de ti political projecte es Neustart 2015 (Nov Start 2015).

Externi ligamentes[modificar | redacter fonte]