Marcus Pretzell
Marcus Pretzell es un politico de Germania. Il nascet li 16-im de julí 1973 in Rinteln e esset inter 2014 e 2019 un membre del Europan Parlament. Marcus Pretzell esset electet por li dextri partise Alternative por Germania in li Europan Parlament, ma forlassat li partise in li septembre 2017. Marcus Pretzell esset inter 2017 e 2019 membre del Li Blu Partise de su marita Frauke Petry.
Personal e professional vive
[modificar | redacter fonte]Pretzell ha adultijat in Wiesbaden e studiat jurisprudentie in Heidelberg. Ta il devenit membre del studiante-association Corps Saxo-Borussia. Pos il hat finit su studie il laborat inter 2002 e 2009 quam avocate. Desde 2009 il labora quam developero de ínmobilies.
In li annu 2016 Marcus Pretzell maritat li ex-presidente del Alternative por Germania Frauke Petry e li cuple have six infantes.
Political cariera
[modificar | redacter fonte]- 2004-2009 Pretzell esset un membre del liberal Líber Democratic Partise de Germania.
- 2013 Il devenit un membre del Alternative por Germania e devenit parlator del partise in li Districte Bielefeld.
- 2013-2017 Marcus Pretzell esset membre del dextri partise Alternative por Germania
- 2014 In li marte 2014 il esset electet in li federal directoratu del Alternative por Germania. Il candidat por li Europan Parlament sur li position sett del liste del Alternative por Germania e esset electet in li Europan Parlament. Li 7-im de junio il esset electet quam presidente del Alternative por Germania in Nordrhen-Westfalia.
- 2014-2019 Marcus Pretzell esset membre del Europan Parlament.
- 2017 Marcus Pretzell forlassat li dextri partise Alternative por Germania.
- 2017-2019 Marcus Pretzell esset membre del Li Blu Partise.