Annalena Baerbock
| Annalena Baerbock | |
|---|---|
 | |
| Land |  Germania
|
| Nascentie | 15-im Decembre 1980 in Hannover |
| Partise | Alliantie'90/Li Verdes |
| Oficies | |
| Co-Presidente del partise Alliantie'90/Li Verdes | |
| Quande | 27-im januar 2018 til 29-im de januar 2022 |
| Antecessor | Simone Peter |
| Successor | Ricarda Lang |
| Ministre por externi aferes de Germania | |
| Quande | 8-im de decembre 2021 til nu |
| Antecessor | Heiko Maas |
Annalena Charlotte Alma Baerbock es un féminin politico de Germania. Ella nascet li 15-im de decembre 1980 in Hannover e esset inter li 27-im de januar 2018 e li 29-im de januar 2022 co-presidente de radical ecologic levul partise Alliantie'90/Li Verdes con Robert Habeck. Annalena Baerbock devenit quam unesim fémina de Germania ministre por externi aferes li 8-im de decembre 2021.
Personal e professional vive
[modificar | redacter fonte]Annalena Baerbock adultijat con du sestras e du cusinas sur un farme in Pattensen apu Hannover in li nord de Germania. Quam yuna ella esset tre sucesssosi in li trampolin-sport e ganiat trivez un medallie de bronze in li championatu de Germania.
Pos li scola ella studiat political scientie e public jure inter 2000 e 2004 in Hamburg e inter 2004 e 2005 international jure in London (Reyatu Unit) che li London School of Economics
Durant su studies Annalena Baerbock laborat quam jurnalist. Inter 2005 e 2008 Annalena Baerbock laborat por li membre del Europan Parlament Elisabeth Schroedter del partise Alliantie'90/Li Verdes. Inter 2008 e 2009 Baerbock laborat che li fraction del partise Alliantie'90/Li Verdes quam referent por externi politica e politica de securitá. Ella nequande laborat éxter li politica.
Annalena Baerbock es maritat con li consiliero por politica Daniel Holefleisch. Li cuple have du filias e habita in Potsdam.
Political cariera
[modificar | redacter fonte]- 2005 Annalena Baerbock devenit membre del radical ecologic levul partise Alliantie'90/Li Verdes.
- 2008 Ella devenit membre del presidentie del Alliantie'90/Li Verdes in li país federal Brandenburgia.
- 2009 Annalena Baerbock candidat sin successe por li parlament de Germania.
- 2009-2012 Membre in li presidentie del Europan Verdi Partise, quel es un alliantie de ecologic partises in Europa.
- 2009-2013 Annalena Baerbock esset co-presidente con Benjamin Raschke del partise Alliantie'90/Li Verdes in li país federal Brandenburgia.
- 2013 Annalena Baerbock es electet quam membre del parlament de Germania por li partise [[Alliantie'90/Li Verdes.
- 2017 Baerbock essset li prim-candidate de su partise Alliantie'90/Li Verdes in li federal electiones in Germania e esset electet denov in li parlament de Germania.
- 2018 Annalena Baerbock es electet li 27-im de januar 2018 quam co-presidente del partise Alliantie'90/Li Verdes con Robert Habeck.
- 2018-2022 Co-presidente del partise Alliantie'90/Li Verdes.
- 2021 Annalena Baerbock devenit li oficial candidate del partise Alliantie'90/Li Verdes por li oficie del prim-ministre de Germania in li electiones 2021. Li 8-im de decembre 2021 ella devenit li unesim féminin ministre por externi aferes de Germania.
- 2022 Pro su oficie in li guvernament Annalena Baerbock ne candidat plu quam presidente del partise li 29-im de januar 2022.
Politica
[modificar | redacter fonte]Annalena Baerbock es egardat quam representante del moderat fraction in li radical ecologic levul partise Alliantie'90/Li Verdes.