Austria
| |||
| |||
| Cité capital | Vienna | ||
| Lingues | German | ||
| Area | 83 871 km² | ||
| Population | 9.104.772 | ||
| Valuta | Euro (€)
| ||
Austria (nom oficial li Republica de Austria) es un land situat in Europa. It es frontierat per Slovakia, Italia, Liechtenstein, Germania, Slovenia, Tchekia, e Svissia. Multe lingues parla se, precipue German e Bavarian. Tchec, Hungarian, e Croatian anc parla se quam lingues del minorité. Li capital de Austria es Vienna, quel es situat in li Ost del land. Li land de Austria have historie de plus de 1000 annus.
Li nom del land developat del parol "Ostarrichi", quel significa "Li imperia del Ost". In li German standarte, es li nom nu "Österreich". Li parol "Ostarrichi" es probabilmen un traduction del Latin "Marchia Orientalis" in dialecte local.
Austria have 9 104 772 (2023) habitantes e un area de 83 871 quadrat-kilometres.
Li max grand partes de Austria es situat in li montania de Alpes e li max alt monte de Austria es li Großglockner con 3798 metres.
Historia
[modificar | redacter fonte]Homes ha logiat in Austria desde li Paleolite, li témpor del Neandertales. Ili minat por minerales, quam li cupre. Ili lassat artes quam li Venus de Willendorf. In li era de bronze, colonias constructet se, proxim del mines de sale. Pos li destruction del Roman Imperie, li land invadet se per li Slaves, Avares, e quelc barbaros. Charlemagne conquestat li land in 788, e proselitat li land in Cristianisme.
Li state Austria esset format pos li Unesim Guerre Mundal ex li german-parlant partes del imperie Austria-Hungaria in li annu 1918. Inter 1918 e 1933 Austria esset un parlamentari republica. In li annu 1938 li nationalsocialist Germania ocupat e anexet Austria. Li índependentie de Austria esset restaurat pos li Duesim Guerre Mundal in li annu 1945.
Desde 1995 Austria es un membre del Europan Union, ma ne esset membre del NATO.
Politica
[modificar | redacter fonte]Austria es un federal republica parlamentari-democratic. Li parlament consiste de du chambres: Li directmen electet Consilie National e li Consilie Federal, quel consiste ex representates del nin federal landes.
- Presidente: Alexander Van der Bellen
- Prim-Ministre: Karl Nehammer
States Federal
[modificar | redacter fonte]Austria consiste ex 9 federal landes:
Vide anc
[modificar | redacter fonte]| Landes de Europa | |
|---|---|
| Albania • Andorra • Armenia • Austria • Azerbaidjan • Belgia • Bielorussia • Bosnia e Herzegovina • Bulgaria • Croatia • Cypria • Dania • Estonia • Finland • Francia • Georgia • Germania • Grecia • Hispania • Hungaria • Irland • Island • Italia • Latvia • Liechtenstein • Lituania • Luxemburgia • Malta • Moldavia • Mónaco • Nederland • Nord-Macedonia • Norvegia • Polonia • Portugal • Rumania • Russia • San Marino • Serbia • Montenegro • Slovacia • Slovenia • Svedia • Svissia • Republica Tchec • Turcia • Ucraina • Unit Reyatu • Vaticano |