Beatrix von Storch
| Beatrix von Storch | |
|---|---|
 | |
| Land |  Germania
|
| Nascentie | 27-im de may 1971 in Lübeck |
| Ocupation | Politico |
Beatrix Amelie Ehrengard Eilika von Storch, nascet quam Ducessa de Oldenburg es un féminin politico de Germania. Ella nascet li 27-im de may 1971 in Lübeck e es desde li octobre 2017 un del vice-presidentes del fraction del dextri partise Alternative por Germania in li parlament de Germania.
Personal e professional vive
[modificar | redacter fonte]Pos li scola Beatrix von Storch fat un aprentisage in un bank quam comerciante. Ella studiat jurisprudentie in Heidelberg e Lausanne (Svissia). Pos su studies Beatrix von Storch laborat quam avocate.
Desde li annu 2010 Beatrix von Storch es maritat con Sven von Storch. Li cuple ne have infantes.
Political cariera
[modificar | redacter fonte]Beatrix von Storch es desde li annus 90 del 20-im secul un activist political. Ella fundat con su marito Sven von Storch un retage de conservativ asociationes political.
- 2011 Beatrix von Storch esset membre del Líber Democratic Partise de Germania.
- 2013 Beatrix von Storch devenit membre del partise Alternative por Germania.
- 2014-2017 Beatrix von Storch esset membre del Europan Parlament por li Alternative por Germania.
- 2015 Beatrix von Storch es electet quam un del vice-presidentes del partise Alternative por Germania.
- 2016-2017 Beatrix von Storch esset un del du presidentes del Alternative por Germania in li país federal Berlin.
- 2017 Beatrix von Storch esset electet in li parlament de Germania e devenit un del vice-presidentes del fraction del Alternative por Germania in li parlament de Germania e devenit vice-presidente del Alternative por Germania in li país federal Berlin.
- 2019-2022 Beatrix von Stoch esset un del vice-presidentes del partise Alternative por Germania inter li decembre 2019 e li junio 2022.
- 2025 Beatrix von Storch candidat por li Alternative de Germania in Berlin por li parlament de Germania ye li position 1 del liste in li país federal Berlin.
Politica
[modificar | redacter fonte]Beatrix von Storch apartene al conservativ parte del Alternative por Germania.