Damian Freiherr von Boeselager
Damian Freiherr von Boeselager es un jurnalist e politico de Germania. Il nascet li 8-im de marte 1988 in Frankfurt e es li co-fundator del pan-europan political partise Volt Europa. Damian Freiherr von Boeselager esset electet in li annu 2019 in li Europan Parlament in Germania por li partise Volt Europa.
Personal e professional vive
[modificar | redacter fonte]Damian Freiherr von Boeselager finit scole in li privat e catolic gimnasium Aloisiuskolleg in Bonn-Bad Godesberg. Il studiat filosofie e economie in Bayreuth inter 2008 e 2011. Inter 2016 e 2017 Damian Freiherr von Boeselager studiat public administration al Hertie School of Governance in Berlin. Il fat anc un semestre in li Columbia University in New York. Damian Freiherr von Boeselager finit su studies quam magistro.
In li annu 2012 il initiat con Bernhard Clemm e Jan Stöckmann li jurnalist viage-projecte Euroscop.
Inter 2013 e 2016 Damian Freiherr von Boeselager laborat quam consoliero por firmas por Mc Kinsey&Company.
Political cariera
[modificar | redacter fonte]- 2017 Damian Freiherr von Boeselager fundat con Andrea Venzon de Italia e Colombe Cahen-Salvador de Francia li pan-europan partise Volt Europa. Damian Freiherr von Boeselager es li vice-presidente de Volt Europa.
- 2019 Damian Freiherr von Boeselager es electet in li Europan Parlament quam prim-candidate de Volt Europa in Germania.
Externi ligamentes
[modificar | redacter fonte]- https://www.abgeordnetenwatch.de/profile/damian-boeselager Damian Boeselager sur li internet-págine abgeordnetenwatch.de