Handball

De Wikipedia
Saltar a: navigation, serchar
Puellas lude handball

Handball es un sport por truppes. Du truppes lude contra unaltru. Un truppe consiste in li handball ex sett lusores (un gol-gardero e six lusores sur li camp).

Un match de handball dura duvez triant minutes con un pause de 15 minutes.

Li scope del lude es jettar li balle con li manu in li goal del altri truppe. Li truppe quel ha jettat plu goales ha ganiat li match.

Hodie handball es preponderant ludet in li hall. Pro to on anc nomina li sport hodie hall-handball. Antey camp-handball, to es handball sub liber ciel esset plu difuset.

Li international organisation del handball es li International Handball Federation (IHF).

Regules[modificar | redacter fonte]

Li lud-camp es 40 metres long e 20 metres larg e have un rectangulari forme. Li goles es tri metres larg e du metres alt. Avan li goles es li gol-spacie. It consiste ex du quart-circles con un rádius de six metres. Li balle es plenat con aere e have un covritura ex cute o artificial materiale.

Historie[modificar | redacter fonte]

Handball es ludet de mannes e féminas e infantes. Li modern handball esset developat del instructora por gimnastica de Berlin (Germania) Max Heiser in li annu 1917. Heiser hat creat li lude por yun puellas. Li gimnastic-instructor Carl Schelenz, qui esset anc de Berlin, fat li sport plu atrativ por puéres e mannes.

Camp-Handball esset unvez in li annu 1936 parte del programma del Olimpic Ludes.

Desde li Olimpic Ludes 1972 in München (Germania) handball in li hall es un olimpic sport. Poy li camp-handball perdit su important rol.

Difusion[modificar | redacter fonte]

In li international handball-sport domina li europan landes. Éxter Europa handball es min populari.

Ma anc in Asia, Nord-Africa e Sud-America handbal es populari. In li 2013 Brasil devenit li unesim sudamerican champion de munde durante li mund-championatu de féminas in Serbia.