Hermann Philipps
| Hermann Philipps | |
|---|---|
| Land |  Germania
|
| Nascentie | 12-im de decembre 1945 in Bamberg |
| Ocupation | Linguist, Cifal del lingue Volapük |
Hermann Philipps es un volapükist de Germania. Il nascet ye li 12-im de decembre 1945 in Bamberg e es desde li annu 2014 cifal (chef) del movement del constructet lingue Volapük.
Personal e professional vive
[modificar | redacter fonte]Hermann Philipps studiat economie in Frankfurt. Il laborat quin annus quam traductor in London in Anglia e anc pos su retorn il laborat quam traductor por anglesi in Darmstadt[1]. In li annu 1987 Hermann Philipps fat un diplom quam traductor in Darmstadt.
Hermann Philipps habita in Bonn.
Hermann Philipps e Volapük
[modificar | redacter fonte]Hermann Philipps aprendet Esperanto in li annus 60 del 20-im secul e anc aprendet Ido. Il anc ocupat se pri Interlingua e Novial. In li annu 1995 Hermann Philipps havet su unesim contact con Volapük. Inter 2012 til 2014 Hermann Philipps esset vice-cifal del movement de Volapük. Desde li 1-im de may 2014 il es quam successor de Brian Bishop cifal (chef) del movement de Volapük.
In un interview con li interlingust Detlef Blanke Hermann Philipps dit que il ocupa se con Volapük proque it es un defí linguistic e intellectual e proque il vole preservar li heradage cultural de Volapük [2]
Ligamentes externi
[modificar | redacter fonte]Referenties
[modificar | redacter fonte]- ↑ https://media.interlinguistik-gil.de/inti/IntI_93_4_-_2014.pdf Vide li interview con Hermann Philipps in li Interlinguistic Informationes de 2014, p. 34
- ↑ https://media.interlinguistik-gil.de/inti/IntI_93_4_-_2014.pdf Vide li interview con Hermann Philipps in li Interlinguistic Informationes de 2014, p. 35