Hispaniola

De Wikipedia
Un topografic carte de Hispaniola
Haiti e li Republica Dominican sur li insul Hispaniola


Hispaniola (hispan: La Española ("li hispanesi") es un insul in li Caribica. It have un area de 76.480 quadrat-kilometre e es li duesim max grand insul del Westindian Insules e del archipelago Grand Antilles. Li states Haiti in li west e li Republica Dominican in li ost es situat sur Hispaniola.

Li max alt monte de Hispaniola es li Pico Duarte. Sur Hispaniola habita in tot 18.466.497 (2005) homes.

Historie[modificar | redacter fonte]

Christoph Columbus ha decovrit li insules por li europanes in li annu 1492. Li insul devenit un colonia de Hispania. Li west del insul devenit in li annu 1665 un colonia de Francia. Ex li francesi parte developat se li state Haiti e ex li hispan parte li state Republica Dominican. In li annu 1776 Hispania e Francia consentit pri li frontieras inter su colonias. In li annu 1804 declarat Haiti su índependentie e in li annu 1844 anc li Republica Dominican devenit finalmen un state índependent.