Hockey sur glacie

De Wikipedia
Saltar a: navigation, serchar
Hockey sur glacie
Un camp de lude de hockey sur glacie
Buli al comense de un match del hockey sur glacie

Hockey sur glacie es un sport hivernal por equipes. Un equip consiste ex quin camp-lusores e un gol-gardero. Un match dura trivez duant minutes. Li scope del lude es que li lusores tira un litt disc ex gumme, li puk, per un baston in li gol del altri team. Omni lusores e anc li gol-garderos es sur patines e li lude eveni sur glacie.

Hockey sur glacie quam sport origina de Canada. In Canada on ludet li scot hockey sport shinty sur patines sur glacie. Hockey sur glacie developat se a un sport inter 1840 e 1875.

Li International Federation de Hockey sur Glacie organisa li sport internationalmen. Hockey sur glacie es desde li annu 1924 un parte del programma del Olimpic Ludes de hiverne. Chascun annu eveni championatus mundel de hockey sur glacie.

Hockey sur glacie es egardat quam un del max rapid sports por equipes e quam un dur sport, ma li lusores es protectet de un equipament por evitar vulneres. Longmen hockey sur glacie esset egardat quam un sport somen por mannes, ma desde li annu 1990 it hay anc oficial championatus mundal de hockey sur glacie por féminas e desde li annu 1998 hockey sur glacie por féminas es anc un parte del Olimpic Ludes de hiverne. Vide anc Hockey sur glacie por féminas.

Regules[modificar | redacter fonte]

Un team posse consister ex 22 lusores, ma solmen quin camp-lusores e un gol-garderos posse esser sur li camp del lude. In li hockey sur glacie li lusores es permanentmen changeat. Inter li quin camp-lusores tri lude in li atacca e du in li defense. It es permisset que li lusores atacca li córpor del lusores del altri team, ma in cert limites. Si ti regules de contacte es ruptet li arbitros posse punir un team per un punition de du o quin minutes. In ti témpor li team quel ha fat li pecca lude con un o admaxim du lusores min. Ma sur li camp deve esser adminim tri camp-lusores de chascun team.

Li camp de lude es rectangulari. It have un longore de 61 metres e un largore 30 metres con rondat angules. Li goles have un altore de 1,22 metres e un largore de 1,83 metres. Li camp de lude es circumdat de un circum-barrage ex plastica quel have un altore de circa 1,20 metres por protecter li spectatores.

Sur li camp de lude es quin lineas

  • du rubi gol-lineas
  • un rubi centre-linea quel divide li camp de lude in du demís.
  • du rubi lineas quel divide li camp de lude in tri zones: li atacca zone, li zone neutral zone e li defense linea

Un lude comensa per un buli. Un arbitrero jetta li puk inter du lusores e ambi lusores prova reciver li puk per lor bastones. Sur li camp de lude it hay quin punctus por bulis qui es marcat per circules.

Difusion[modificar | redacter fonte]

Hockey sur glacie es difuset ante omnicos in America del Nord u it hay li National Hockey League quel es egardat quam li max liga del munde e in Europa. In Europa li bon nationes in li hockey sur glacie es Russia, Tchekia, Svedia e Finland. Ma it es ludet anc in Asia. In Africa e America del sud hockey sur glacie ne es mult difuset.

Li International Federation de Hockey sur Glacie have 64 membres.