Khalil Gibran

Khalil Gibran
Khalil Gibran
Land	Libano Libano, USA USA
Nascentie	6-im de januar 1883 in Bsharri
Morte	10-im de april 1931 in New York
Ocupation	Poet, Pictor, Filosof

Khalil Gibran (arab: جبران خليل جبران) esset un poet, pictor e filosof de Libano e USA. Il nascet li 6-im de januar 1883 in Bsharri in li nord de Libano e morit 10-im de april 1931 in New York.

Vive

Khalil Gibran emigrat con su matre, sestras e mi-fratres de Libano a USA. Pos su retorn in li annu 1897 il studiat in Libano arte, francesi, arab e arab litteratura. Khalil Gibran retornat via Paris a Boston in li annu 1899. In li annu 1904 il havat su unesim successes quam pictor. In li annu 1908 Khalil Gibran comensat studiar in Paris arte e europan litteratura. In li annu 1912 il translocat a USA e comensat publicar romanes.

Khalil Gibran apartenet al cristan Eclesia de Maronites. Il morit li 10-im de april 1931 pro cancere de hépate.

Ovres

Til li annu 1918 Khalil Gibran scrit su romanes in arab, ma desde li annu 1918 il scrit in anglesi. Li maxim famosi libres de Khalil Gibran esset li roman The Madman (Li Lunatico), quel esset publicat in li annu 1918 e su roman The Prohet (Li Profete), quel esset publicat in li annu 1923.

Li ovre de Khalil Gibran es egardat quam ligament inter li filosofie del oriente quam li sufisme e li cristan filosofie.

• 1905 The Music.
• 1908 Spirits Rebellious.
• 1912 The Broken Wings.
• 1914 A Tear and A Smile.
• 1918 The procession.
• 1918 The Madman.
• 1920 The Forerunner.
• 1923 The Prophet.
• 1926 Sand and Foam.
• 1928 Jesus, the Son of Man.
• 1931 The Earth Gods.
• 1932 The Wanderer.
• 1933 The Garden of the Prophet.
• 1933 Lazarus and his Beloved.
• 1947 Secrets of the Heart.

Khalil Gibran in Interlingue

In li annu 2024 Dorlota Burdon traductet li ovre The Madman sub li titul Li Lunatico a Interlingue