Lars von Trier
| Lars von Trier | |
|---|---|
 | |
| Land |  Dania
|
| Nascentie | 30-im de april 1956 in Köbenhavn |
| Ocupation | Film-director, film-producent, actor |
Lars von Trier, nascet quam Lars Trier, es un actor, film-director e film-producent e autor por filmes de Dania. Il nascet li 30-im de april 1956 in Köbenhavn e es egardat quam un del max important film-directores de Europa. Lars von Trier ganiat mult film-premies por exemple li Palme d'Or in Cannes (Francia).
Ja quam infante Lars von Trier esset activ quam actor. Lars von Trier studiat scientie de filmes e far filmes quam director in Köbenhavn. Su unesim film successosi esset li film Element of Crime in li annu 1984. Li filmes de Lars von Trier es sovente carácterisat quam provocativ e innovativ. Quelc filmes quam Idiotes (1998), Antichrist (2009),Nymphomaniac (2013) e The House That Jack Built (2018) esset criticat por excessiv scenes de violentie e anc violentie sexual.
Lars von Trier suffret de depressiones e maladijat al maladie de Parkinson.
Lars von Trier esset duvez maritat. Inter 1987 e 1995 il esset maritat con li actoressa danesi s Cæcilia Holbek. Li cuple havet du filias Selma e Agnes. Inter 1997 e 2015 Lars von Trier esset maritat con Bente Frøge. Li cuple havet du filios.
Filmografie
[modificar | redacter fonte]Ci es quelc important filmes de Lars von Trier:
- 1977: Orchidégartneren
- 1979: Menthe – la bienheureuse
- 1980: Nocturne
- 1981: Den sidste detalje
- 1982: Relief
- 1982: Befrielses billeder ("Images del líberation")
- 1984: Forbrydelsens element / Element of Crime (trilogie europan I)
- 1987: Epidemic (trilogie europan II)
- 1988: Medea
- 1991: Europa (trilogie europan III)
- 1994: Riget I
- 1996: Breaking the Waves ( trilogie Golden Heart I)
- 1997: Riget II
- 1998: Idioterne (Idiotes, trilogie Golden Heart II)
- 2000: Dancer in the Dark] (trilogie Golden Heart III)
- 2003: Dogville (USA trilogie I)
- 2003: The Five Obstructions
- 2005: Manderlay (USA trilogie II)
- 2006: Direktøren for det hele / The Boss of It All
- 2007: Chacun son Cinéma (parte: Occupations)
- 2009: Antichrist
- 2011: Melancholia
- 2013: Nymphomaniac
- 2018: The House That Jack Built
- 2022: Riget – Exodus (Riget III - Serie de television)