Leo Tolstoy

De Wikipedia
Leo Tolstoy in li annu 1908

Leo Tolstoy o con plen nómine Lev Nikolayevich Tolstoy (russ: Лев Никола́евич Толсто́й) esset un russ autor. Il nascet li 9-im de septembre (28-im august) 1828 in Yasnaya Polnaya (Russia) e morit li 20-im de novembre (7-im de novembre) 1910 in Astapovo. Su long romanes Guerre e pace e Anna Karenina es classicos del realistic roman.

Tolstoi ha scrit sett romanes, quin novelles, mult curt-racontas, quelc teatrages e filosofic e pedagogic ovres.

Vive[modificar | redacter fonte]

Leo Tolstoy nascet quam filio del comto Graf Nikolai Ilyitsch Tolstoy (1794–1837) e princessa Volkonskaya. In li etá de 9 annus su ambi genitores morit. Li sestra de su patre devenit su gardera. Inter 1844 il comensat studiar oriental lingues in Kazan (Russia), ma il changat al jurisprudentien. Ma il ne finit su studies e forlassat li universitá in li annu 1847. Inter 1847 e 1851 il provat ameliorar li situation del paisanes sur li domene de su familie in Yasnaya Polnaya per reformes. Inter 1851 e 1855 in servit in li armé del russian tsar e partiprendet in li guerres in li Caucás e in li Crimea-guerre. Desde 1855 il habitat sur li domene in Yasnaya Polyana, Moskva e Sant Peterburg. In li annu 1862 il maritat Sofja Andrejewna Behrs. Li cuple havet 13 infantes. In li sequant annus il scrit su du grand romanes Guerre e Pace (1862-1869) e Anna Karenina (1873-1878). Desde 1881 il esset in un conflicte con li eclesia e il ocupat se con religiosi questiones. In li annu 1901 il esset excomuniet. Leo Tolstoy ocupat se anc pri pedagogica e scrit manuales por infantes.

Li max important ovres[modificar | redacter fonte]