Louis Couturat

Louis Couturat
Louis Couturat
Land	Francia
Nascentie	17 de januar 1868 in Ris-Orangis
Morte	3 de august 1914 in Melun
Ocupation	Logico, matematico, linguist
Successes
Creator de ido
Quande	1907

Louis Couturat esset un logico, un matematico e un linguist. Ja in su yunesse il esset considerat quam genio. Il esset li creator del lingue Ido.

Il nascet li 17 de januar 1868 in Ris-Orangis proxim de Paris (Francia). Couturat morit li 3 de august 1914 in Melun (Francia).

Il esset activ adepte de Esperanto, ma volet reformar li idioma de Ludwik Lejzer Zamenhof. Li resultate de su efforties esset li lingue Ido.

Couturat esset un fort pacifist. Su tost morte in li annu 1914 per automobil accidente esset un fort colpe por li movement de Ido.

Biografie

Su patre esset de Bourgogne, e su matre de Franche-Comté, ma li du hat vivet in Paris durant un témpor passabilmen long. Ili practicat un existentie regulari de labor assidui, quel li yun Couturat spectat, e por le it esset li forme max preciosi del discipline. Il restat un filie unic, li objecte del dorlotage de su genitores, queles havet grand esperanties pro li precoci inteligentie de su filio.

Durant li tot studies, Couturat esset tre successosi. In su gimnasium, il obtenet 34 premies, e charmat su docentes con su rari e precoci orignalitá. Il aparet posseder un egal don con li antiqui litteratura quam con li scienties teoretic e aplicat. In 1885, quande il esset un studiante de filosofie, il ganiat li honorari premie de filosofie, li 1-im premie de fisica e chimie, li 1-im premie de natural historie, e li 1-im laudation de matematica. In 1886 il esset li laureato del association de ex-studiantes. Il passat tre annus in l’École Normale, u il esset reconosset pro su inteligentie anc.

In ti témpor, su futur cariera ja semblat har revelat se: su preferential amore por filosofie unit se con su aptitá con li scienties. Grecia precipue atraet le; il sempre hat havet ver devotion por li artistes e poetes del antiqui Hellas. Nequi plu quam il esset plu fervent adepte del cultu de bellesse: il eat facilmen de leer li "Méditations de Descartes" al poemes de Homeros.

Durant 1890 il preparat se al Agregeso. Il ne fatigat se pos leciones de diction e dessine. Su dessines es trovat in li 5-im volume di l'Histoire de l'art dans l'antiquité, un volume devoet al civilisation persian. Il esset acceptat quam unesim in li Agregeso filosofial, con li gratulationes del jurie. Poy il volet perfectar su education matematical. In 1891, il ganiat li premie Garnier. In 1892, il continuat su studies del matematica in li facultá de scienties. Il ganiat su gradu universitari de matematica li 25-im de junio 1892, quam li unesim de su serie.

Nu il vat posser accessar, in tot securitá, li filosofie del scienties. Il ne plu esset un ínconossete al scientistes. Il esset licet penetrar con ferocitá e fide in li studies queles il amat. Por studiar matematica, il leet atentivmen li ovres de Lucretius e de Platon. Il studiat Platon digressivmen, e fat un studie vermen scientific del mites de Platon por su tese latin. Ye li sam témpor, il publicat un articul important pri li Plastic bellesse. In it, il justificat li estetic del grec sculptores. Il anc trovat témpor por colaborar in li nov Revue de métaphysique et de morale. Su francesi tese anc esset comensat: il volet consacrar it al studie del infinitá matematical. Li unesim capitul de ti grand ovre esset scrit durant su 25-im annu.

Il reposat un poc durant li estive de 1893 e poy retornat al labor de su du teses, queles esset ja tre avansat. Ye li 12-im de may 1894, il esset nominat professor in li facultá de Toulouse. Il eat ta con grand plesura, nam il amat li sud, con su ciel ardent e luminosi, e su passate totalmen penetrat per li anim grec. In li vacanties, il finit su francesi tese e deposit it. Li studie del ovres de Platon tande entusiasmat le plu e plu. Il consacrat se a it ardentmen por su latin tese; il prendet ti ovres quam un tema de su cursu in li facultá.

Durant april 1986, il maritat un cusina quel esset su devoet compane. Li 12-im de junio, il suportat su tese in Sorbonne. Li tese latin e li tese francesi obtenet complet successe, con un mention tre honorant. Su bell ovre, L'Infini mathématique, es ancor un tre bon guide por persones volent studiar li filosofie matematical, e ti ovre ínmediatmen mettet le in li unesim rang de ti sorte de studies. Li grand successe de su tese fat possibil que il obtenet conjedie por continuar su studies scientific in Paris. Dunc in 1897 il denov trovat li complet libertá de resercha e labor, quel il apreciat tant. Tande il consacrat se al studies fisical.

Ovres

• 1896: De Platonicis mythis Thesim Facultati Litterarum Parisiensi proponebat Ludovicus Couturat, Scholae Normalae olim alumnus. Parisiis: Felix Alcan Bibliopola. 120 p.
• 1896: De l'Infini mathématique. Rieditita 1975, Georg Olms.
• 1901: La Logique de Leibniz. Rieditita 1961, Georg Olms. Donald Rutherford's English translation in progress.
• 1903: Opuscules et Fragments Inédits de Leibniz. Rieditita 1966, Georg Olms.
• 1903: (con Léopold Leau) Histoire de la langue universelle. Paris: Hachette. Rieditita 2001, Olms.
• 1905. Les Principes des Mathématiques: avec un appendice sur la philosophie des mathématiques de Kant. Rieditita 1965, Georg Olms.
• 1905: L'Algèbre de la logique. 1914: P. E. B. Jourdain tradukisto, The Algebra of Logic, Open Court, ek Project Gutenberg.
• 1906: Pour la langue internationale, Paris
• 1907: (con Léopold Leau) Les nouvelles langues internationales. Paris: Hachette, ripublikigita 2001, Olms.
• 1910: Étude sur la dérivation dans la langue internationale. Paris: Delagrave. 100 p.
• 1910: (con Otto Jespersen, R. Lorenz, Wilhelm Ostwald e L.Pfaundler) International Language and Science: Considerations on the Introduction of an International Language into Science, Constable and Company Limited, London.
• 1915: (con Louis de Beaufront) Dictionnari Français-Ido. Paris: Chaix, 586 p.