Magnete

De Wikipedia
Saltar por navigation Saltar por sercha
Un "magnete huf-ferral" fat de alnico, un alliage de ferre. It es in li forme de un huf-ferre de posir li du poles magnetic proxim a unaltru, por crear un fort campe magnetic ta que posse elevar pesant pezzes de ferre.
Limallias de ferre orientat in li campe magnetic producet per un magnete barric
Lineas del campe magnetic de un solenoidal electromagnete, que es simil a un magnete barric quam illustrat supra per li limallias ferric

Un magnete (ex li grec μαγνητις λιθος, magnetis lithos, "Magnesian petre") es un materiale o cose que producte un campe magnetic. Ti campe magnetic es invisibil ma es responsabil por li max notabil proprieta de un magnete: un fortie que atrae altri materiales ferromagnetic, quam ferre, e atrae o repulse altri magnetes.

Un magnete permanent es un cose fat ex un materiale que es magnetisat e crea su propri persistent campe magnetic. Un comun exemple es un magnete por li refrigerator usat de tener notes sur un porte de un refrigerator. Materiales que posse esser magnetisat, que es anc tis que es fortmen atraet per un magnete, es nominat ferromagnetic (o ferrimagnetic). Tis include ferre, nickel, cobalt, alcun alliages del metalles terric rar (por exemplo, neodymium e samarium), e alcun naturalmen ocurrent minerales quam magnetite. Benque materiales ferromagnetic (e ferrimagnetic) es li solmen tis atraet a un magnete fortmente sat que it es comunmen considerat magnetic; omni altri substanties responde debilmen a un campe magnetic, per un de pluri altri tipes de magnetisme.

Materiales ferromagnetic posse esser dividet ad-in magneticamen "moll" materiales qual intempri ferre, que posse esser magnetisat ma ne remane magnetisat, e magneticamente "dur" materiales, que retene lor magnetisation. Magnetes permanent es fat ex "dur" ferromagnetic materiales quam alnico e ferrite que es submettet a special processante in un fort campe magnetic durante lor manufactura, por alinear lor intern microcristallin structura, far les desfacil de demagnetisar. Por deagnetisar un magnete saturat, un certe campe magnetic deve esser aplicat, e ti limit depende sur li coercivitá del respectiv materiale. "Dur" materiales have alt coercivitá, ma "moll" materiales have bass coercivitá. Un electromagnete es fat ex un spul de metall-fil que acte quam un magnete quande un currente electric passa tra it, ma cessa esser un magnete quande li currente cessa. Frequentmen, un electromagnete circumda un cordie de materiale ferromagnetic quam stal, que augmenta li campe magnetic producte per li spul.

Li global fortie de un magnete es mesurat per su momente magnetic o, alternmen, li tot flux magnetic it producte. Li local fortie del magnetisme in un materiale es mesurat per su magnetisation.

Vide anc[modificar | redacter fonte]

Referenties[modificar | redacter fonte]