Marine Le Pen
| Marine Le Pen | |
|---|---|
.jpg) | |
| Land |  Francia
|
| Nascentie | 5-im August 1968 in Neuilly-sur-Seine |
| Partise | Rassemblement National |
| Oficies | |
| Presidente del Rassemblement National | |
| Quande | 5-im de novembre 2022 til 5-im de novembre 2022 |
| Antecessor | Jean-Marie Le Pen |
| Successor | Jordan Bardella |
Marine Le Pen es un feminin politico de Francia. Ella nascet li li 5-im de august 1968 in Neuilly-sur-Seine quam Marion Anne Perrine Le Pen. Ella es li max yun filia del politico Jean-Marie Le Pen e es desde li 16-im de januar 2011 presidente del dextri partise Front National. Li nómine del partise esset changeat a Rassemblement National in li annu 2018.
Personal e professional vive
[modificar | redacter fonte]Marina Le Pen es li filia del ex-presidente del Front National Jean-Marie Le Pen e de su unesim marita Pierrette Lalanne. Marine Le Pen studiat jurisprudentie al Universitá Panthéon-Assas in Paris. Desde 1992 e 1998 ella laborat quam avocate.
Inter 1997 e 2000 ella esset maritat con li comercist Franck Chauffroy. Li cuple have tri infantes Jehanne, Louis e Mathilde. Inter 2002 e 2006 Marine Le Pen esset maritat con li functionario del Front National Éric Lorio.
Li neva de Marine Le Pen, Marion Maréchal-Le Pen es anc political activ in li Front National.
Political cariera
[modificar | redacter fonte]- 1986 Marine Le Pen devenit membre del Front National.
- 2000 Marine Le Pen es electet in li executiv comité del partise.
- 2003-2011 Vice-presidente del Front National.
- 2004 Desde li annu 2004 Marine Le Pen es membre del Europan Parlament.
- 1998-2004 Le Pen esset regional consiliera del region Nord-Pas-de-Calais.
- 2004-2010 Le Pen esset regional consiliera del region Île-de-France.
- 2010 Ella devenit denov regional consiliera del region Nord-Pas-de-Calais.
- 2011 Marine Le Pen es electet con 67,65 percentes li 16-im de januar 2011 quam nov presidente del Front National quam successora de su patre Jean-Marie Le Pen.
- 2011-2022 Presidente del Front National (desde 2018 Rassemblement National).
- 2012 Marine Le Pen candidat por li oficie del presidente de Francia e recivet 17.90 percentes e finit ye li triesim rang.
- 2017 Marine Le Pen candidat denov por li oficie del presidente de Francia e recivet in li unesim rond 21,3 percentes e atinget li duesim rond contra Emmanuel Macro. In li duesim rond Marina Le Pen clarmen perdit con 33,9 percentes del votes contra Emmanuel Macron qui recivet 66,1 percentes e esset electet presidente.
- 2018 Marine Le Pen changeat li nómine del Front National a Rassemblement National.
- 2022 Marine Le Pen candidat denov quam presidente de Francia e atinget in li unesim rond 23,2 percentes del votes e finit ye li duesim rang. Ella perdit in li duesim rond con 41,5 percentes contra Emmanuel Macron, qui recevit 58,5 percentes. Marine Le Pen ne candidat plu quam presidente del Rassemblement National e li 5-im de novembre 2022 Jordan Bardella devenit li nove presidente del partise.
Politica
[modificar | redacter fonte]Marine Le Pen prova ameliorar li image del dextri partise Front National. Pro su plu moderat politica del partise ella es in un conflicte con su patre Jean-Marie Le Pen. Marine Le Pen demandat que su patre forlassa li partise quel il ha fundat.
