Jean-Luc Mélenchon
Jean-Luc Mélenchon es un levul politico de Francia. Il nascet li 19-im de august 1951 in Tanger (Morocco) e es li fundator e presidente del radical levul partise La France insoumise. Mélenchon esset un candidate del Presidential Electiones de Francia 2017 e por electiones presidential de Francia 2022, in quel Emmanuel Macron ganiat e devenit li actual presidente. Mélenchon perdit in li unesim votation.
Personal e professional vive
[modificar | redacter fonte]Mélenchon nascet e adultijat in Morocco. Su familie translocat a Francia in li annu 1962. Jean-Luc Mélenchon studiat filosofie in Besançon. Til quande il comensat su political cariera il laborat quam instructor.
Political cariera
[modificar | redacter fonte]- 1976-2008 Membre del Socialist Partise de Francia
- 1986-2010 Membre del Senat de Francia.
- 2000-2002 Jean-Luc Mélenchon esset ministre de education de Francia.
- 2008-2016 Fundator e presidente del Levul Partise.
- 2009 Mélenchon devenit membre del Europan Parlament por li Levul Partise.
- 2012 Mélenchon candidat por li Presidential Electiones de Francia 2012 quam candidate del Levul Fronte e recivet 11,10 percentes e finit ye li 4-im rang.
- 2016 Fundator e presidente del radicial levul partise La France insoumise.
- 2017 Candidate del Presidential Electiones de Francia 2017. Il recivet 19,58 percentes e finit ye li 4-im rang inter 11 candidates.
- 2022 Jean-Luc Mélenchon candidat denov por li electiones presidential. Il recivet 22,0 percentes e finit ye li 3-im rang.
