Pictura occidental
Li historie del pictura occidental representa un tradition continu, benque interrompet, desde li Antiquitá til li témpor present. Til li medie del 19esim secul, it esset primarimen concernet con modes representativ e traditional de production, pos quel plu modern, abstract e conceptual formes comensat ganiar favor.
Inicialmen serviente li patronatu imperial, privat, civic, e religiosi, li pictura occidental trovat plu tard su audientie in li aristocratie e in li class medie. Desde li Medievie til li Renascentie, pictores laborat por li eclesie e un ric aristocratie. Comensante con li epoca baroc, artistes recivet commissiones privat de un plu educat e prosper class medie. Li idé de "arte por li arte self" comensat trovar expression in li ovre de pictores romantic quam Francisco de Goya, John Constable, e J. M. W. Turner. Durant li 19esim secul, galeries commercial esset etablisset e continuat forniente patronatu in li 20esim secul.
Li pictura occidental atinget su zenit in Europa durant li Renascentie, in conjunction con li refinement del designe, li usation de perspectiva, architectura ambiciosi, tapisserie, vitre tintet, sculpture, e li period ante e pos li adventu del presse a imprimer. Sequente li profunditá de decovrition e li complexitá de innovationes del Renascentie, li ric hereditage del pictura occidental continuat desde li epoca baroc til li arte contemporan.