Piet Cleij
| Piet Cleij | |
|---|---|
| Land | Nederland |
| Nascentie | 27-im de may 1927 in Groningen, Nederland |
| Morte | 7-im de januar 2015 in Bilthoven, Nederland |
| Ocupation | Professor |
Piet Cleij esset un Interlinguesta de Nederland qui transfertet plu tard al Interlingua del IALA. Il nascet li 27-im de may 1927 in Groningen e morit li 7-im de januar 2015 in Bilthoven (Nederland).
Inter 1940 e 1945 durant li Duesim Guerre Mundal il studiat german, anglesi, francesi, geografie, historie, biologie, fisica e matematica.
Inter 1945 e 1952 Piet Cleij esset activ por Esperanto, ma devenit in li annu 1952 adherente de Interlingue. In li annus 1950 Cleij esset activ in li movement de Interlingue e esset li autor de materiales por li aprension de Interlingue por nederlandeses.
Il laborat por du annus in un laboratoria de un grand fabrica de chimie e pos to il laborat quam instructor por de francesi e del litteratura francesi in un licéo in Baarn. Pos 16 annus de labore quam instructor il retirat se.
In li annus 1980 Piet Cleij transfertet al Interlingua de IALA. Inter 1991 e 2005 Piej Cleij esset li secretario del Interlingua organisation Union Mundial pro Interlingua. Il traductet li grand dictionarium Anglesi-Interlingue in nederlandesi. Til li annu 2013 Piet Cleij scrit por li Interlingua-jurnal Panorama de Interlingua articules.
Piet Cleij esset maritat, ma su marita ja morit in li annu 2005. Li cuple havet tri filios e un filia.
Ovres
[modificar | redacter fonte]- Woordvorming van interlingue. Interlingue Institute Nederland, Groningen, 8 págines.
- 1953 Inleiding tot Interlingue (Occidental). Interlingue Institute, Nederland. 12 págines.
- 1953 Micri Vocabularium Interlngue-Nederlands. Interlingue-Institute, Nederland. 22 págines.
- 1955 Interlingue voor Nederlanders (Cursu). Interlingue-Institute, Nederland, 40 págines.
- 2008 Dictionario Nederlandese-Interlingua
- 2010 Dictionnaire français - interlingua
- 2012 Dictionario interlingua-nederlandese
Ligamentes exterm
[modificar | redacter fonte]Piet Cleij sur li internet-págine del Union Mundial pro Interlingua