Radosław Sikorski
| Radosław Sikorski | |
|---|---|
 | |
| Land |  Polonia
|
| Nascentie | 22-im Februar 1963 in Bydgoszcz |
| Partise | Cives Platform |
| Oficies | |
| Ministre por externi aferes de Polonia | |
| Quande | 13-im de decembre 2023 til nu |
| Antecessor | Szymon Szynkowski vel Sęk |
| Ministre por externi aferes de Polonia | |
| Quande | 16-im de novembre 2007 til 22-im de septembre 2014 |
| Antecessor | Anna Fotyga |
| Successor | Grzegorz Schetyna |
Radosław Tomasz "Radek" Sikorski es un politico de Polonia. Il nascet li 22-im de februar 1963 in li Bydgoszcz e il es desde li 13-im de decembre 2023 denov ministre por externi aferes de Polonia . Radosław Sikorski ja esset inter 16-im de novembre 2007 til 22-im de septembre 2014 ministre por externi aferes de Polonia. Il es membre del liberal partise Cives Platform.
Personal e professional vive[modificar | redacter fonte]
In li annu 1981 Radosław Sikorski esset activ in li resistentie movement contra li comunist regíme. In li annu 1982 il forlassat Polonia e studiat filosofie, political scientie e economie in Oxford. In li annu 1986 Sikorki recivet li civitá del Reyatu Unit, ma in li annu 2006 il abandonat li civitá del Reyatu Unit por devenir ministre in Polonia.
Pos su studies Radosław Sikorski laborat quam jurnalist e mem esset corespondente in Afganistan. Radosław Sikorski retornat in li annu 1989 a Polonia e laborat por li ministre de defense e li ministre por externi aferes de Polonia. Inter 2002 e 2005 il laborat quam analitico in Washington, D.C. in li Unit States de America.
Radosław Sikorski es maritat con li US-american historico Anne Applebaum e li cuple have du filios.
Polical cariera[modificar | redacter fonte]
- 2005-2007 Radosław Sikorski esset membre del national-conservativ partise Jure e Justicie.
- 2007 Radosław Sikorski devenit membre del liberal partise Cives Platform.
- 2005-2015 Radosław Sikorski esset membre del parlament de Polonia.
- 2007-2014 Radosław Sikorski esset ministre por externi aferes de Polonia in li guvernament de Donald Tusk.
- 2014-2015 Radosław Sikorski esset presidente del parlament de Polonia.
- 2019-2023 Radosław Sikorski esset membre del Europan Parlament por Polonia.
- 2023 Radosław Sikorski ye li 13-im de decembre 2023 denov devenit ministre por externi aferes de Polonia in li guvernament de Donald Tusk.