Ski-Saltation

De Wikipedia
Saltar a: navigation, serchar
Ski-Saltation


Ski-saltation es un sport hivernal. Un sportist ea con ski súper un ski-saltería e salta in li profundore. Li scope de ti sport es saltar tam lontan quam possibil.

Ski-saltation es desde li annu 1924 un parte del programma del Olimpic Ludes de hiverne. Desde li annu 1962 it hay mem du ski-saltation competiones in li Olimpic Ludes del hiverne, li saltation del normal-saltería e li saltation del grand-salteriá. Un special forme del ski-saltation es li ski-volation del tre grand salterías.

Desde li annu 2003 it hay oficialmen ski-saltation competitiones por féminas. In li annu 2014 ski-saltation por féminas esset por li unesim vez parte del programma in li Olimpic Ludes de hiverne.

Ski-saltation es anc un parte del nordic combination.

Un competition del ski-saltation normalmen consiste ex un ronde de qualification in quel se qualifica li max bon 50 saltatores por li oficial saltation. Li oficial competition consiste ex du rondes. Solmen li max bon 30 saltatores del unesim salta qualifica se por li duesim rond.

Li saltatores recive punctus in li competition por qualmen lontan ili ha saltat, por li estetica del salta e por li vente. In li ski-saltation it es plu desfacil saltar lontanmen si it hay vente in dors. Contra to vente de avan es un avantage.

Difusion[modificar | redacter fonte]

Ski-saltation es max populari in Europa, ma anc in America del Nord e in Asia. Li max succesosi nationes in li ski-saltation es Austria e Norvegia.

Max important competitiones in li ski-saltation[modificar | redacter fonte]