Societé pre-industrial

Li societé pre-industrial refere a attributes social e formes de organisation politic e cultural quel esset prevalent ante li advent del Revolution Industrial, quel evenit inter 1750 e 1850. Pre-industrial refere a un témpor ante li existentie de machinas e utensiles por auxiliar in li execution de labores in masse. Li civilisation pre-industrial data de secules passat, ma li principal era conosset quam li societé pre-industrial evenit just avan li societé industrial. Li societés pre-industrial varia de region a region, dependente del cultura de un specific area o del historie de vive social e politic. Europa esset conosset por su sistema feudal e li Renascentie italian.

Li terme "pre-industrial" es anc usat quam un referentie por conditiones ambiental ante li developament del societé industrial: por exemple, li Acorde de Paris, adoptet in Paris li 12 de decembre 2015 e in effecte desde li 4 de novembre 2016, "ha quam scop limitar li calefaction global a sub 2 gradus, preferibilmen a 1,5 gradus celsius, comparat al nivelles pre-industrial". Li date por li fine del "era pre-industrial" ne es definit.