Stanno
Stanno es un chimic element con li simbol Sn (de latin stannum) e atomic númere 50. It es un metalle de principal gruppe in gruppe 14 del tabelle periodic del elementes. Stanno monstra chimic similaritá a ambi vicin elementes de gruppe 14, germanium e plumbe e have du possibil status de oxidation, +2 e +4. Stanno es li 49im max mult abundant element e have, con 10 stabil isotopes, li max grand númere de stabil isotopes del tabelle periodic. It es obtenet chefmen del minerale cassiterite, u it ocurre quam stanno dioxid, SnO2.
Ti brilliant, malleabil povri metalle ne es facilmen oxidisar in aere e es usat de covrir altri metalles de impedir corosion. Su prim alliage, usat largemen pos 3000 AC, es bronze, un alliage de stanno e cupre.