Subuqti
| Subuqti ' | ||||||||
|---|---|---|---|---|---|---|---|---|
|
Subuqti es un raconta original scrit in Interlingue de Vicente Costalago e corectet de Dave MacLeod. It esset publicat in 2022.
Raconta[modificar | redacter fonte]
Li libre raconta li historie de Grigori, un marinero russ qui arriva a Subuqti in li nave Kitkorab, quel es directet del capitano Aleksey. Ta li capitano comanda prender li féminas e li infantes, e divide les inter le marineros. Quande Grigori vide que Aqarnaq, li filia del chef del Subuqti, have un tatuage in li péctor, il prende la e porta la a su chambre. Quande ambos es sol, il monstra la que il have li sam tatuage e il parla la in li lingue de Subuqti, nam il es parte del popul.
Pos reveni a Sant Petersburg, Grigori es criticat del alt societé, nam il es conosset de les e un fémina, Alyona Morozova, con su amica Kira Novikova, comensa extender rumores pri Aqarnaq, qui es portat a un judico pro ne esser baptisat in li eclesie ortodox. In ta moment, Grigori apari e rescata la, e poy prende li Kitkorab por reveni a Subuqti a viver con su marita e li infantes.
Personages principal[modificar | redacter fonte]
- Grigori: Marinero russ
- Aleksey: Capitano del nave Kitkorab.
- Olga: Marita de Aleksey
- Alyona Morozova: Fémina del alt societé russ. Marita de Alexei Novikov. Ella es inamorata de Grigori.
- Alexei Novikov: Major general del armé russ. Marito de Alyona Morozova.
- Kira Novikova: Fémina del alt societé russ. Amica de Alyona Morozova.
- Dimitri Mazarov: Major general del armé russ. Marito de Kira Novikova.
- Vladislav Fedorov: Amico de Alyona Morozova, qui esset inamorat de ella quande ambos esset yun.
- Taisiya Smirnova: Amica de Kira Novikova.
Lingue[modificar | redacter fonte]
Por ti-ci libre, li autor creat un lingue, li lingue subuqti (subuqtivad). Il fundat se in li lingues estonian, finn e li divers dialectes del inuktitut.
Pronunciation[modificar | redacter fonte]
Li lítteres es pronunciat quam in Occidental, excepte li C quel es pronunciat quam CH, e li Q, quel es pronunciat quam K.
Pronómines personal[modificar | redacter fonte]
| person | singular | plural |
|---|---|---|
| 1 | mi | min |
| 2 | si | sin |
| 3 | hi | hin |
Verbes[modificar | redacter fonte]
- Li infinitive e li present es li mem
- Passat – nga + infinitive
- Futur – qugu + infinitive
- Conditional – ahu + infinitive
- Participie passat - tav + infinitive
- Gerundie – vi + infinitive
- Imperativ - gu + infinitive
Númeres[modificar | redacter fonte]
|
|
Influenties[modificar | redacter fonte]
Li raconta have quelc influenties de Anna Karenina, de Tolstoi, in li descriptiones del alt societé russ e del vestimentes queles ili usa.
Bibliografie[modificar | redacter fonte]
- Costalago, Vicente (2022) Subuqti, Lulu.com.