Union de Valores

Li logo del Union de Valores

Li Union de Valores (german: WerteUnion, acurtat WU) es un dextri-conservativ partise de Germania, quel esset fundat ye li 17-im de februar 2024 in Remagen. In li annu 2017 li political organisation Werteunion esset fundat quam prova organisar li dextri parte del Cristan Democratic Union de Germania, ma li organisation restat sin influentie in li partise. Li presidente del political organisation Werteunion Hans-Georg Maaßen anunciat ye li januar 2024 li transformation de ti organisation in un political partise.

Ye political organisation Werteunion deve exister anc in li futur por promoer li partise Werteunion. Levul political partises e organisationes quam li Socialdemocratic Partise de Germania e li radical-levul partise Alliantie'90/Li Verdes prova denunciar li Union de Valores quam dextri-extremist.

General Information

• Nómine: Union de Valores (german: Werteunion)
• Fundation: 17-im de februar 2024 in Remagen quam political partise
• Political direction: dextri-conservativ
• Colores: obscur-blu e orangecolori
• Membritá: 1386
• Fundator e initiator: Hans-Georg Maaßen
• Presidente: vacui
• Vice-presidentes: Sylvia Pantel, Jörg Meuthen
• Sede del organisation: Berlin

Historie

Li partise Union de Valores esset fundat sur un nave in Remagen ye li 17-im de februar 2024. Ta esset electet un presidentie de fundation con Hans-Georg Maaßen, Ye li 18-im de octobre 2004 li Union de Valores anuciat que it negocia con li partise Alliantie Germania pri un fusion , ma li negociationes fallit. Ye li 28-im de januar 2025 li membre del german parlament Dirk Spaniel, quel esset membre in li partise Alternative por Germania, devenit membre in li Union de Valores e per to li partise havet su unesim representante in li parlament de Germania

Li Union de Valores havet inter octobre 2024 e februar 2025 un representante in in li parlament del país federal Infra Saxonia, proque li ex-membre del dextri Alternative por Germania Jozef Rakicky devenit membre del Union de Valores.

Electiones

2024

• In li electiones al parlament del país federal de Saxonia ye li 1-im de septembre 2024 li Union de Valores recivet 6.469 votes e 0,3 percentes. Prim-candidate esset: Heiko Petzold.
• In li electiones al parlament del país federal de Thuringia ye li sam die li Union de Valores recivet 6.780 votes e 0,6 percentes. Prim-candidate esset: Albert Weiler
• In li electiones al parlament del país federal Brandenburgia ye li 22-im de septembre 2024 li Union de Valores havet solmen 3.877 votes e 0,26 percentes. Prim-candidate esset: Anna-Sophia Werz.

2025

• In li preliminari electiones al parlament de Germania li Union de Valores candidat solmen in li país federal Nordrhen-Westfalia e atinget ta 0,1 percentes e in li tot Germania 0,0137 percentes.
• Ye li 8-im de octobre 2025 declarat li fundator e presidente del Union de Valores Hans-Georg Maaßen que il forlassa li partise e demisse de su oficie quam presidente del partise. In un lettre al membres del partise il explicat su passu per un conflict con li vice-presidentes del partise Sylvia Pantel e Jörg Meuthen.

Politica

Li Union de Valore ne exclude un coalition con li radical dextri partise Alternative por Germania. Pro to li partise es egardat quam dextri-extremist de levul partises e medies. Li Union de Valore self vide se quam national-conservativ e in questiones del economie quam liberal.

Ligamentes extern

• Internet-págine del Union de Valores
• Facebook págine del Union de Valores