Union de Valores
Li Union de Valores (german: WerteUnion, acurtat WU) es un dextri-conservativ partise de Germania, quel esset fundat ye li 17-im de februar 2024 in Remagen. In li annu 2017 li political organisation Werteunion esset fundat quam prova organisar li dextri parte del Cristan Democratic Union de Germania, ma li organisation restat sin influentie in li partise. Li presidente del political organisation Werteunion Hans-Georg Maaßen anunciat ye li januar 2024 li transformation de ti organisation in un political partise.
Ye political organisation Werteunion deve exister anc in li futur por promoer li partise Werteunion. Levul political partises e organisationes quam li Socialdemocratic Partise de Germania e li radical-levul partise Alliantie'90/Li Verdes prova denunciar li Union de Valores quam dextri-extremist.
General Information[modificar | redacter fonte]
- Nómine: Union de Valores (german: Werteunion)
- Fundation: 17-im de februar 2024 in Remagen quam political partise
- Political direction: dextri-conservativ
- Colores: obscur-blu e orangecolori
- Membritá: neconosset
- Fundator e initiator: Hans-Georg Maaßen
- Presidente: Hans-Georg Maaßen
- Vice-presidentes: Alexander Mitsch, Kay-Achim Schönbach e Albert Weiler
- Sede del organisation: Berlin
Historie[modificar | redacter fonte]
Li partise Union de Valores esset fundat sur un nave in Remagen ye li 17-im de februar 2024. Ta esset electet un presidentie de fundation con Hans-Georg Maaßen quam presidente. Li sede del partise deve esser Berlin.
Li Union de Valores vole candidar in li electiones del países federal in Thuringia, Saxonia e Brandenburgia in li autun 2024.
Politica[modificar | redacter fonte]
Li Union de Valore ne exclude un coalition con li radical dextri partise Alternative por Germania. Pro to li partise es egardat quam dextri-extremist de levul partises e medies. Li Union de Valore self vide se quam national-conservativ e in questiones del economie quam liberal.